Advertisement

有種好男人| 馬德鐘演G4憶保護名人政要經歷 陳自瑤拒盲目為愛情付出

本地
2022.12.25

whatsapp-image-2022-12-25-at-15-51-06-13

《有種好男人》將於明晚(26日)起播出,演員陣容包括馬德鐘、李佳芯、吳偉豪、陳自瑤、徐榮、曹永廉、趙希洛、楊卓娜、胡諾言及張國強等。

whatsapp-image-2022-12-25-at-15-51-06-19

馬德鐘入行近30年以來演過不少紀律部隊角色,其實早於入行前,他曾任PTU亦當過G4,難怪演得份外入型入格。而在明晚首播的新劇《有種好男人》中,馬德鐘將做回「老本行」,飾演G4出身的保安公司保鑣團隊主管楊日正,為人嚴肅、過份理性兼原則性強,他遇上育有17歲兒子的「女神級」單親媽咪游子澄Charlie(李佳芯飾),由一開始處處懷疑對方、到後來不知不覺間被對方的獨特氣質吸引……惟日正一直是「不婚主義者」,更堅拒當父親,究竟最終他會否為Charlie摒棄原則、並成為Charlie兒子苗成林Woody(吳偉豪飾)繼父呢?

whatsapp-image-2022-12-25-at-15-51-06

提到《有種》呈現不少G4工作程序及習慣,馬德鐘受訪時大讚劇組做足資料搜集,笑言自己已無需再給予意見,但有開心分享G4小習慣供演員參考:「因為每分每秒都有可能係救人命嘅時間,所以企喺度時,G4對手一定要擺喺前面,方便以最快速度行動。」並謂因要貼身保護重要人物,故必須確保有足夠力氣陪伴對方上山下海,體能訓練因而非常重要。曾於電台訪問中透露保護過戴安娜王妃的他,透露還保護過前國務院港澳辦主任魯平、前新加坡總理李光耀及前港督彭定康等,問可曾遇上任何驚險場面?馬德鐘說:「香港G4係達到世界級水準,佢哋嘅陣形做得好好,所以喺香港發生事故機會好低,反而試過有醉酒佬走埋嚟鬧事。」

whatsapp-image-2022-12-25-at-15-51-06-9

陳自瑤(Yoyo)去年憑《寶寶大過天》勇奪台慶頒獎禮「最佳女配角」,今年則憑《回歸光影頌:母親的乒乓球》首度提名「最佳女主角」,雖然最終未能入圍10強,但演技早已備受肯定。是次Yoyo再於《有種》突破自我,飾演大癲大肺的保險銷售員楊飛雲;身為日正姑姐的她,擁有一個「戀愛腦」,並跟田中直男(黎學勤飾)譜出戀曲。對此,甚少飾演傻大姐的Yoyo坦言今次頗大挑戰,皆因角色好多嘢講:「基本上場場都有我講冇人講,好多對白,有時都驚自己拿捏得唔好,令觀眾覺得乞人憎,希望畀到新鮮感大家啦。」並謂另一挑戰是跟馬德鐘合作:「始終馬神係前輩,初頭都擔心自己配合得唔夠好,但So far兩個角色都幾有火花。」

whatsapp-image-2022-12-25-at-15-51-06-6

問到現實中可有「戀愛腦」?Yoyo說:「每個女仔後生時多數都係戀愛腦,好少咁理性,但隨住年紀慢慢大咗,個人成熟咗就冇咁戀愛腦。」談到飛雲面對愛情即智商急降,更曾被另一半呃錢,那麼私下的Yoyo會否為伴侶盲目付出?她笑道:「我係好容易相信人,但金錢我都睇得好緊,因為市面上太多騙案,哈哈!咁人大咗都唔會盲目為愛情付出自己嘅金錢或感情。」

whatsapp-image-2022-12-25-at-15-51-06-7

聲夢傳奇 MIRROR 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹