Advertisement

有種好男人|楊卓娜遇渣男街頭痛哭好尷尬 陳自瑤期望另一半專一

本地
2023.01.14

05

由梁耀堅監製、冼翠貞及馮日進編審的一連20集《有種好男人》,演員陣容包括馬德鐘、李佳芯、吳偉豪、陳自瑤、徐榮、曹永廉、趙希洛、楊卓娜、胡諾言及張國強等。

photo-resizer-2023_01_14_12_14_50

「渣男」賴Sir(歐瑞偉飾)一直利用保安公司行政部經理娜姐(楊卓娜飾)對其傾慕之情攞著數。昨晚(13日)一集,賴Sir終於被娜姐及及發現搭上其下屬Macy(張詩欣飾),娜姐「個心穿咗個窿」,瞬間崩潰,坐在馬路上放聲痛哭,我見猶憐;此時,夏中秋(徐榮飾)化身「暖男」給予安慰,不甘輸給「後生女」的娜姐向對方大吐苦水:「我為佢付出咗咁多,但到頭來乜都冇,真係好唔甘心呀……」中秋隨即大拋警世金句:「唔放手咪仲嘥時間」、「腦明白係一回事,個心接受係另一回事」、「最緊要做咗啱嘅決定,其他嘅嘢交俾時間啦」,落力氹女方開心之餘,更出頭寸爆賴Sir,最後成功將娜姐「私有化」。

楊卓娜在劇中情路崎嶇,但現實中卻是一名「幸福繼母」,她與「廣告燈箱大王」楊志翹相愛十多年,人前人後依舊恩愛甜蜜。她受訪時稱未遇過「渣男」,但自己過去跟「娜姐」一樣對愛情執著,她說:「以前我都會為堅持而堅持,所以我好認同中秋所講『唔放手咪仲嘥時間』。」談到拍攝淚崩街頭一幕,她表示最困難是穿高跟鞋行斜路,又笑說:「我未試過喺條街放聲大哭,好尷尬,但咁樣做任性得嚟又好過癮,好宣洩到情緒。」

另邊廂,田中直男(黎學勤Jeffery飾)自我介紹為大企業後代,惟飛雲(陳自瑤Yoyo飾)先後撞破田中換上工作服維修大廈及當外賣車手,令田中身份相當有可疑。提到首次跟Jeffery合作,Yoyo坦言與私下不相熟的演員扮情侶,拍攝初頭也需慢慢摸索,並大爆對方一拍親熱戲即怕醜,笑說:「Jeffery當然有面紅尷尬嘅情況啦,所以多數都係我主動撩佢傾偈、講笑,去舒緩佢情緒令佢放鬆啲,大家盡量熟絡啲就冇咁尷尬。」劇中飛雲疑似遇上靚仔富二代,問現她實中靚仔和有米會怎抉擇,Yoyo打趣道:「當然係靚仔又有米啦,但其實都幾難,因為人永遠冇完美嘅,不過我覺得最緊要係專一。」

姜濤 星級企業大獎2020 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹