Advertisement

有個閨密叫祖藍|李亞男分手後返港倒追? 王祖藍公開愛妻宣言

本地
2022.10.02

whatsapp-image-2022-10-02-at-3-02-30-pm-16
由王祖藍主持的綜藝節目《有個閨密叫祖藍》,昨日(1日)播出最後一集,嘉賓是祖藍太太李亞男(Leanne)。最後一集「藍男CP」終極晒冷玩勻所有閨密任務,其間祖藍自爆大女兒Gabby於三歲時已有一米身高。

whatsapp-image-2022-10-02-at-3-02-30-pm-1

昨晚還有不少洋蔥位,原來Leanne當年曾忍痛與祖藍分手並飛返加拿大,但最終因按捺不住對祖藍的思念,拋下一切飛返香港,令祖藍大為感動。祖藍說:「嗰時身邊啲人擔心佢學壞,又驚我呃佢,本來佢諗住放低演藝事業返加拿大讀書,嗰時我都話:『我哋唔好一齊喇,勉強冇幸福,無謂令大家同身邊啲人咁痛苦。』結果佢最後竟然自己一個人飛返嚟香港,同番我一齊。」Leanne事後補充謂:「嗰時有諗過返去加拿大讀書就唔再返香港,但自己個心一路好想返香港,一路好掛住我男友,就扚起心肝寫咗封信畀我屋企人,話我一定要返香港去搵我嘅幸福。」

whatsapp-image-2022-10-02-at-3-02-30-pm-2

排除萬難的「藍男」在2015年2月14日拉埋天窗,為了送驚喜製作組播放二人當日結婚片段,還要求祖藍重現當年「愛的宣言」。祖藍在為愛妻填詞的《跌落凡間的天使》歌曲襯托下,發表新一輪愛妻宣言:「我以前好容易好火爆,依家畀你感染到我冇晒火。我當初寫《跌》,『是你的聲音在訴說幸運,我盼搏你歡心』,係我心聲嚟。無論娶你有幾辛苦都好,我知道娶到你一生都會幸福,真係喎,依家娶咗你真係每一日都覺得好幸福。嗰時點會諗會生第一個女、第二個女,我哋係不停咁寫緊戀愛歷史,年年都好幸福,所以好多謝你。」Leanne聽完後冧爆回道:「多謝你俾我成為你人生嘅女主角。」

whatsapp-image-2022-10-02-at-3-02-30-pm-17

另外「藍男」還大爆「處女黨」不為人知搞笑事,最終祖藍不開名爆料,矛頭直指處女黨其中一名「眼大大」及為人西化的成員:「我有樣嘢好佩服佢,每次我老婆出去同佢傾偈,其實我老婆都冇講過嘢。假如佢哋夜晚七、八點開始分享,可以分享到凌晨三點,中間可能十二點我老婆話不如返屋企先,佢就會:『其實我仲有好多嘢可以講』。到講到(半夜)三點喇,佢就會問我老婆:『係喎,Leanne,你近排點呀?你有冇咩唔開心?』仲可以點啫?眼瞓咯!」

姜濤 星級企業大獎2020 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹