Advertisement

曾比特首當真人騷主持 自爆當年捱夜歲月為唱K

本地
2023.03.14
撰文:孜卓芹
Mike因為以前經常捱夜唱K,唱出好歌喉。
Mike因為以前經常捱夜唱K,唱出好歌喉。

曾比特(Mike)將首次做節目主持,暫定與陳葦璇及陸浩明,為J2真人騷《我要瞓鬥》任主持。節目以「捱眼瞓」為主題,參賽者必需以兩人為一組,並肩捱過製作組安排的各種刁鑽又抵死的「催」眠任務及考驗。成功捱過60小時抵達「終點」的「瞓鬥者們」,將可挑戰贏取至少港幣10萬元的獎金獎品。

首度為電視節目擔任主持的Mike,對於可以親眼目睹香港人各出奇招捱眼瞓,及與現場參賽者互動,大表期待。自言愛瞓覺的Mike,笑指隨着年紀漸長已甚少「捱夜唔瞓」,並大方分享抗眼瞓三大奇招:「平時眼瞓會食香口膠,或者周圍行嚟行去同大聲地唱歌提神。我覺得眼瞓好多時係因為坐喺度唔郁,坐下坐下就會好悶。所以你見我成日走嚟走去係因為我成日都好眼瞓。」

Mike第一次做真人騷主持,他和觀眾都好期待。
Mike第一次做真人騷主持,他和觀眾都好期待。

談到年輕時的捱夜歲月,Mike笑言很多時候是因為去了唱卡拉OK,並笑言通宵翌日感覺奇妙:「我覺得最正係我試過唱完通宵K再繼續去做嘢,感覺做所有嘢都好似更亢奮咁,當然再過多一日就冧咗係咁瞓。」並謂人生最難忘一次失眠,是因為在傍晚六點時喝了咖啡提神。

MIRROR 姜濤 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹