Advertisement

曾比特憶與亡父食快餐滋味 中三初戀難忘初吻開心直接

本地
2024.01.22
撰文:孜卓芹
曾比特做飲食節目嘉賓卻不停爆自己料。
曾比特做飲食節目嘉賓卻不停爆自己料。

曾比特今晚(22日)起一連兩集打頭陣,亮相陸浩明(6號)、名廚楊尚友主持的J2(82台)節目《不如食豪D》。曾比特表示最難忘回憶,是跟已故父親吃快餐的滋味。他感性表示︰「爸爸成日帶我周圍食,一餐都係十幾蚊食街邊嘢、快餐店食炸雞翼已好開心,我哋好close。」
曾比特又提到入行前為食經歷︰「嗰時喺一間炸雞店(已結業)打工,一盤炸雞有8件,我就炸夠9件,偷食一件。又試過同事炸咗一盤雞,明明夠兩枱客食,點知賣咗一枱之後,返嚟啲炸雞唔見晒,因為俾我食晒。」他又自爆最貴一餐食了足足7,000元,但不方便透露同枱對象是誰,他懶神秘說︰「講咗會俾公司鬧。」

邊食邊爆料。
邊食邊爆料。

明晚(23日)曾比特繼續爆料,講到中三初戀故事,對象是唱歌認識的女生,曾比特竟然話︰「初吻咪喺班主任房……」嚇到6號一臉驚愕忍不住反問︰「你講堅?喺班主任間房kiss?」自知玩大了的曾比特慌忙澄清︰「It is impossible,應該係女仔屋企樓下,好開心好直接。」
節目中曾比特揭當年燙爆炸頭的由來,是誤打誤撞。當年參加歌唱比賽,心目中原本想燙一款韓星小髦髮型,卻變成爆炸頭,反而成了他的商標。同場曾比特應導演要求,展示久未露面的雙耳。節目尾聲他被揭「黑材料」,6號展示一張曾比特入行前的肥仔相,望落竟然跟身旁楊尚友有幾分相似。

曾比特未出道時照片,驟眼跟楊尚友有幾分相似。
曾比特未出道時照片,驟眼跟楊尚友有幾分相似。
聲夢傳奇 陳卓賢 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹