方力申（Alex）昨晚在社交網貼上與父母出外旅行的照片，為媽咪慶生，照片中除一家四口全家福外，還有不少兩兄弟紥晒馬低炒為父母捕捉最美鏡頭，超級孝順。Alex還表示計劃一家人每年去兩次旅行，並向媽咪承諾：「盼未來能讓我努力報答妳！」
Alex留言：「『阿媽今年生日要大攪吓喎細佬，去邊度食飯！』我問。 William回答：『咁耐都冇一家人去旅行喇，去trip喇！』就係咁，我哋就去咗玩喇，而且仲食得好開心添，我哋仲諗住應該一家人一年去兩次旅行！好啊！即刻我要準備一年減多兩次肥！收到！媽媽，祝您生日快樂，身體健康，愛您！辛苦您了！『盼未來能讓我努力報答妳』！」
44歲的Alex被喻為娛圈「隱形富豪」，坐擁元朗獨立屋，又跟爸爸投資藝術收藏；比他小4歲的弟弟方圓明（William），同樣事業有成，既是律師也是藝術策展人，最近就成功舉辦了為紀念金庸百年誕辰的活動。
胡定欣、謝安琪、張繼聰等與網民齊祝Auntie身體健康和開開心心；陳敏之更大讚：「好乖仔」；有網民亦讚：「生咗兩個乖仔，好有福氣！祝媽媽及全家都健康、開心、幸福」。
