Advertisement

新聞女王|陳若思演死屍突擘大眼嚇死人 佘詩曼「層遞式喊功」搞喊網民

本地
2023.12.08
撰文:孜卓芹
阿佘的「層遞式喊功」更令場口感染力倍升。
阿佘的「層遞式喊功」更令場口感染力倍升。

台慶劇《新聞女王》昨(7日)晚一集發生嚴重事件,為爭做Prime Time主播走火入魔的許詩晴Cathy(高海寧飾),以直擊警方搗獲賣淫集團行動作為Prime Time主播交換籌碼,即使明知曉薇(何依婷飾)妹妹曉欣(陳若思飾)牽涉其中,仍堅持以進擊手法報道;最終曉欣因為逃避警方追捕意外墮樓兼遭途經車輛撞斃,當時坐在SNK主播台的曉薇透過熒幕目擊,相當震撼。

陳若思猠嶯被警察追捕時嚇至淚流披面好真實。
陳若思猠嶯被警察追捕時嚇至淚流披面好真實。

該幕在內地播出後引起迴響,網民除不捨曉欣「領便當」,又大讚陳若思Amber演技自然,除被警察追捕時嚇至淚流披面、驚得夠真實外,今(8日)晚一集以幻覺形式在停屍間指摘曉薇一幕亦演得肉緊;原本雙眼緊閉、面無血色的曉欣,先是一面鄙視反問曉薇:「家咩姊啫,你有認過我哋咩?由細到大你都睇我哋唔起。」之後再咄咄進逼謂:「就算你呃到全世界,你都呃唔到我,呃唔到你自己,你估你真係主播?!」

18

Amber受訪時透露已是第二次扮死屍,笑言最難忘有利市收。談到突然彈起鬧爆依婷一幕,Amber透露背後笑料百出:「因為要對住Cam Man拍大頭,我一擘大眼Cam Man就話嚇死佢,我覺得好搞笑,估唔到原來呢幕播出後亦嚇到唔少網民,我覺得好開心亦好對唔住大家。」

Amber喺停屍間彈起一幕,都真係幾有效果同驚嚇。
Amber喺停屍間彈起一幕,都真係幾有效果同驚嚇。

至於昨晚追逐戲,Amber透露難度極高,拍完更有少少發燒:「簷篷逃跑嗰場戲,我喊住咁跑咗好多次,其實本來劇本寫我打電話嗰個位冇話要喊,但我第一次睇劇本時已經好心痛,背對白時我已經盡量唔去諗畫面,但到正式拍嗰日,我一講呢啲對白、一諗起我(劇入面)媽咪可能以後要一個人生活,我就喊咗。因為要連戲,我就變相要一直喊住逃跑,都喊咗唔短時間;拍完第二日有少少發燒,我諗係因為成個人精神十分崩潰。不過我今次真係盡咗100分嘅力去做,有人讚我真係覺得好開心。」Amber更笑言很佩服工作人員能找到與她這麼相像的童星,「我收到好多comment都話佢同我嘅樣貌同講嘢語氣好似,證明幕後好有心機去搵演員。」

呢位小演員同Amber真係好似。
呢位小演員同Amber真係好似。

另一焦點是Man姐佘詩曼的「層遞式喊功」,向來緊張曉欣的Man姐,當知道新聞主角是曉欣時,為免情緒激動的曉薇影響直播,先作出危機處理免曉薇失態人前;之後當看到曉欣被車猛撞,Man姐含着滿腔淚水、仍強忍傷痛紅着雙眼、以堅毅但溫柔的聲音勸曉薇要堅強,但見曉薇傷心得不懂反應,即使平時視專業為命根的Man姐亦不忍強逼曉薇,心痛曉薇及曉欣的她、密集式的淚水一再奪眶而出,但礙於直播仍要繼續,Man姐出力平伏情緒後哽咽地將end cue分配給佐治(馬國明飾),阿佘因這幕喊戲被獲封「微表情女王」。

 

聲夢傳奇 陳卓賢 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹