Advertisement

新聞女王|佘詩曼霸氣演技獲網民力推奪視后 馬國明驚驚:Man姐發火,非同小可

本地
2023.11.25

 

whatsapp-image-2023-11-25-at-13-23-23-8
無綫台慶劇《新聞女王》, 昨晚(24日)一集Man姐(佘詩曼飾)與梁景仁(佐治,馬國明飾)就茶果嶺「思覺大叔」持刀事件報道手法發生激烈爭論,Man姐堅決反對嘩眾取寵兼要求fact check「思覺大叔」身上是否真手槍、並堅持新聞是「educate」而不是「entertain」觀眾!之後Man姐因Cathy(高海寧飾)採訪期間訊號受干擾,聯想到思覺大叔發狂可能與附近有高頻電波有關,即拉攏現場的家妍(李施嬅飾)聯手打造好新聞,勝出漂亮一仗。

 whatsapp-image-2023-11-25-at-13-23-23-2

Man姐在「表演」前向佐治拋下的一句「等我教多你一次咩叫直播」成功先後熱爆內地及香港,昨晚討論區洗版式留言喪讚Man姐,並指阿佘榮膺視后無誤:「好寸好有型」、「動作語氣都好型」、「揸筆嗰下型到」、「佘詩曼型到癲」、「霸氣直播」、「阿佘一出現即刻壓到成個場」、「阿佘笑容都有霸氣」、「阿佘眼神好識做戲」、「全年所有劇無人同阿佘有得鬥」、「真心視后」;就連阿佘昔日《金枝慾孽》中好拍檔「玉瑩小主」黎姿,亦有在阿佘Ig留言:「好型呀!我要睇」,足證小主也被阿佘成功圈粉。至於阿佘現任拍檔馬明則留言扮驚驚:「Man姐發火,非同小可」。


whatsapp-image-2023-11-25-at-13-23-23-30

對於阿佘今晚再晒主播Tone,網民亦瘋狂留言讚好,不枉阿佘早於開劇前半年已為主播語調做定功課,網民留言:「佢應該練咗好耐,真係報導得十足方健儀咁樣」、「佘詩做主播,瞌埋眼聽,幾可亂真」、「佘詩搣甩雞仔聲,壓低把聲同時做到高低起伏,配合語速改變,出嚟效果真係好似主播」。談到阿佘憑Man姐熱爆香港及內地,劇集總監製鍾澍佳受訪時坦言「冇阿佘冇Man姐」,並大爆阿佘私下也是大姐大:「佘詩曼對所有的演員,她都特別照顧,譬如她看到你今天咳嗽,明天就會給你帶藥水,她不會說太多話,但對你的關心是直接用行動表現出來,這一點已經是文慧心的特質了,外冷內熱。」

 whatsapp-image-2023-11-25-at-13-23-23-28

除了Man姐,劇集其他角色亦相繼彈出,以本集個案人物「思覺大叔」(李國麟飾)及其女兒莎莎(陳楨怡飾)為例,雖然出場不多,兩人均甚有發揮,演繹精神病漢入木三分、眼神姿態俱甚是像真的李國麟,獲留言大讚真演技:「今集國麟哥好亮眼,幾場戲突顯功力」、「呢啲真係真演技」。而仍是新人的楨怡,短短數幕便玩勻飛車、喪跑、崩潰爆喊及被挾持等,其中一幕與高海寧在山上狂奔,還大晒牛奶肌及逆天長腿,獲網民大讚「驚艷」、靚女兼演技躍進:「陳楨怡今年做得好唔錯,廉政狙擊同王浩信一pair都好感人」、「陳楨怡幾靚,演技幾自然」,她與李國麟的父女情亦獲讚感動。

 whatsapp-image-2023-11-25-at-13-23-23-26

對於喜獲正評,楨怡坦言開心:「今次角色出現時間唔長、但好大挑戰,因為情緒起伏大,全部場口都好激動。」楨怡又感激李國麟幫忙入戲:「佢好有經驗,好快令我相信佢係我爸爸。其實我一入屋見到佢拎住刀,已經忍唔住喊。」談到被李國麟以刀子抵住條頸,楨怡笑言由於刀子有一定危險性,所以李國麟才比她更害怕:「麟哥驚真係整到我,但鏡頭又要影到佢『厄』落去先至真實,又要配合好多嘢,所以大家拍時都好緊張,果場戲其實拍到出晒汗。」楨怡又爆高海寧超暖心:「除咗畀好多意見我,佢每次開早佢都會問我要唔要咖啡。」談到護膚心得,楨怡坦言都是保濕及飲食清淡為主:「每次化完厚妝都一定用泥mask清潔同保濕,食嘢就非常清淡,盡量所有嘢白烚,同埋keep住做運動,喺橫店唔使開工我都會做gym。」

 

姜濤 聲夢傳奇 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹