Advertisement

新歌《地球上的最後一朵花》 身兼作曲填詞編曲監製 主唱五職 陳卓賢造歌墮入迷宮找定心丸

本地
2022.10.31
撰文:吳迦

 

whatsapp-image-2022-10-31-at-3-02-40-pm-1陳卓賢(Ian)@MIRROR最新歌曲《地球上的最後一朵花》,今次Ian繼續向全能唱作人的方向進發,為《地球上的最後一朵花》,首次一人分飾五角,一手包辦作曲、填詞、編曲、監製及主唱,他說:「今次《地球上的最後一朵花》錄咗兩個Session,要兼顧好多嘢,除咗前期創作,仲有一啲後期嘅嘢,用好多時間同精力,亦因為準備時間唔算好充足,錄完後即時做好多Tuning (調音)嘅工作,喺製作時會有一兩個Moment(時刻)陷入咗迷宮之中,因為自己監製,又要判斷每個Vocal要點樣處理?又要揀Take,再作調整,長期喺錄音室時,會有一兩個短暫Moment迷失方向。」雖然Ian要搞盡腦汁瞓身造歌,但坦言十分享受整個製作過程,「一路錄一路跟住揀Take再Edit(編輯),但見到首歌一步一步咁出嚟,過程雖然辛苦,但係係幾開心!」

whatsapp-image-2022-10-31-at-3-02-40-pm

歌曲的概念,原來來自有一日Ian瞓覺瞌上雙眼,腦內突然跳出了一個畫面:地球上唯獨剩下剛生長出來的一朵花,這會是一個怎樣的狀態?Ian代入了那朵小花的生命中,說:「呢朵花唔知原本個世界會係點,以為本來就只有佢自己一朵花!但慢慢花開始覺得,世界一定有其他花。只要好似花,改變到自己心態,所有嘢就會變好。」Ian更希望透過歌曲喚起大家環保愛地球訊息,真的不要剩下一朵花才學會珍惜不捨。

whatsapp-image-2022-10-31-at-3-02-40-pm-2

+3

Ian身兼數職,幸好還有黃兆銘(Nick)參與了編曲的部份,對方彷如成為Ian的定心丸。Ian說:「一開始決定做《地球上的最後一朵花》時,心入面已經好明確要搵Nick一齊合作編曲部份,因為以前聽過好多好鍾意嘅作品,入面有好多好多弦樂部份,都係出自佢嘅手筆。其實一開始寫好旋律、有個畫面時,就覺得呢隻歌係好需要一啲好好聽嘅弦樂放入歌入面,所以自己就即刻聯絡佢,問佢有冇興趣一齊做呢隻歌?過程中Nick俾咗好多意見,我成日不斷轟炸,日以繼夜問佢意見,但佢依然好樂意逐一解答我所有問佢嘅意見同睇法,所以好多謝佢嘅幫忙。」

 

聲夢傳奇 姜濤 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹