Advertisement

思家大戰| 神還原《食神》「味公主」經典場面 薛家燕一個問題險考起李思捷

本地
2023.12.10

whatsapp-image-2023-12-10-at-13-59-06-19

由李思捷主持及監製的《思家大戰》第三季,今晚(10日)播出一集,有「Captain Nancy」薛家燕、「三姐」蕭秀香任雙隊長,二人率領楊潮凱、林正峰、「名廚」許美德師傅合組「溜走的真味」隊,對戰由隊長「二嬸」亞芳帶領的「東莞友二嬸」隊,與侄子HUGO、妹妹Aimee、朋友益華及女兒婷婷齊齊玩。思捷透露過往與王祖藍、阮兆祥到東莞為「福祿壽」開騷獲二嬸送上雞、乳鴿、荔枝等地道美食給他們及工作人員探班,令他回味無窮。

whatsapp-image-2023-12-10-at-13-59-06-7
家燕姐與三姐合作的全新飲食節目《溜走的真味》即將推出,家燕姐透露在潮州、汕頭拍攝期間嚐盡美食,更自封「食神」。家燕姐更問問題險考起思捷:「你唔覺得我好似肥咗啲咩?」一向轉數快的思捷醒目回答:「冇呀冇呀,好窈窕呀!」他隨後問現場人士:「家燕姐靚唔靚呀?」全場旋即報以熱烈掌聲,一招化解危機。此外,曾在電影《食神》演活經典角色「味公主」的家燕姐,應思捷要求神還原戲中超經典對白:「嘩!嘩!我未食過,咁好食嘅叉燒呀!」七情上面的家燕姐演技大爆發,未玩遊戲已炒熱現場氣氛,思捷也忍不住高喊「I love you」。

 whatsapp-image-2023-12-10-at-13-59-06-20

今集問答環節繼續勁多笑位,問到「乜嘢日子要一家人齊齊整整食飯」,兩隊輪流答對「中秋節」、「過年」、「做冬」等答案;「溜走的真味」隊的薛家燕卻驚爆「真心話」暗藏玄機,連思捷也大讚答案有創意,究竟乜嘢事咁緊要?另一條問題,「演藝界有地位嘅男藝人會畀人叫阿哥,例如有『乜』哥?」五個參考答案看似容易,兩隊卻結果僅答中「叻哥」、「發哥」,思捷大爆其餘答案全部都是家燕姐朋友,究竟她能否答中威多鋪?此外,其中一條問題「除咗細路哥同細路仔,上一輩點樣叫BB仔?」「溜走的真味」隊的兩位隊長家燕姐、三姐先後答錯,潮凱一擊即中答啱答案,更在眾人面前自嘲是長輩,認真大膽!

whatsapp-image-2023-12-10-at-13-59-06-14

聲夢傳奇 MIRROR 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹