Advertisement

徐富貴入到男配五強當贏 Bob大爆被靚仔男歌星無禮對待

本地
2022.11.08

 

whatsapp-image-2022-11-08-at-2-25-22-pm-9無綫台慶劇《美麗戰場》完美落幕,除了一眾女角受注視,劇中飾演徐富貴一角的Bob(林盛斌)亦受網民追捧。近日,Bob接受林柏希主持的網台節目《月傾會》訪問,原来林柏希同Bob相識30年,同屬英皇師兄弟,Bob是細林柏希兩屆的師弟。

 

whatsapp-image-2022-11-08-at-2-25-22-pm-4 whatsapp-image-2022-11-08-at-2-22-47-pm-29 whatsapp-image-2022-11-08-at-2-22-47-pm-26 whatsapp-image-2022-11-08-at-2-22-47-pm-25《美麗戰場》大受好評,Bob今次又同葉念琛再一齊合作,他說:「另一個要多謝就係我拍檔阿Moon(劉佩玥),一個好好嘅女孩子,一個好專業嘅演員,對件事好認真,大家都真係好投入去做,同佢一個情深嘅擁抱,都係萬語千言盡在嗰一兩幕之中,做完之後啲工作人員都走嚟同我講㗎,嘩,好嘢喎,估唔到你有啲暖男情深感覺喎!」

被網民封為「最強CP」,Bob笑說:「平時多數都係插我多㗎嘛!激進少少討論區嗰一兩個呢,佢讚我喎!估唔到嗰個肥X都可以,咦,都感動到喎,佢喺度回顧返自己嘅故事,喂,我眼濕濕喎!」頒獎禮最佳男配角有望?「我希望係嘅,咁起碼知道原來有機會最後五強喎 ,其中一個係自己嘅話呢,經已係勝出了!」

Bob原來最想演一套純愛劇,「即係《Love Generation》(戀愛世紀),木村拓哉加松隆子嗰啲喎,我哋以前讀書睇嗰啲,嘩,點解咁好睇㗎!我做木村拓哉唔知有冇人想睇?呢啲都係自己一個嘅諗法!」女主角誰屬?「嗱,有一個女神,我曾經都同佢合作過,IG女神就係倪晨曦。佢真係嗰種散發出嚟,大家會想望佢,就係嗰種仙氣啦!」

Bob出道至今訓練到百毒不侵,連老婆仔女都成為公眾視線,如何教育子女面對hater?「我當然話返俾佢哋聽,唔好意思,因為可能爸爸做呢個工作嘅關係,令到啲人會注視我,我哋一齊去面對呢一啲嘅留言吖!大家正能量啲, 我話霏霏,你見到呢啲嘅(留言),你俾個like佢,因為能夠搵到支持你嘅人,係唔容易㗎!到見到有啲留言話, 呢個女仔扮咩,個老竇麻煩、個女都係咁㗎啦,一擔擔㗎啦,食屎啦!照樣留言俾佢,話返俾佢聽,你一啲嘅感受,我哋係用一個好和平嘅心態!」

在節目中的重頭環節《大膽答 冇膽食》,今次懲罰食物是Bob最驚食的納豆!林柏希問Bob,到底身家有幾多?Bob答:「我覺得如果當我變賣晒所有嘅資產,咁我諗可能我唔做嘢一段長嘅時間,而維持到依家嘅生活,都應該去到細仔中學畢業咁!」個個話你身家過億?「7位8位數字,大概8位數字!」

再問Bob入行以來,遇過最難堪的一次遭遇?他說:「有一年喺我哋電台(新城)頒獎禮嘅後台,當時台長係銳哥(朱明鋭)啦, 佢話,咦,Bob呀,你錄嗰啲ID,叫我揸住個錄音機就錄嗰啲『新城電台 新年快樂』,去到某一個歌手嘅時候,先同唱片公司嗰個人講,唔好意思,我想搵阿邊個錄呢段嘢,佢睇完OK,叫我試下問下佢啦,我咪走埋去囉,唔好意思,咁我好有禮貌好客氣,可唔可以錄一錄呢段呀,一睇,跟住有個小小嘅嘖(一聲),掉走咗去喎!我睇到張紙飄落地,佢又行開咗,我唔知佢有心定無意定唔小心跌咗,跟住之後個唱片公司話sorry sorry,我諗都知佢脾性,我心諗佢都幾大支嘢喎!」男歌星?「當時得令啦,又靚仔又盛!」

圈中有「金牌媒人」之稱嘅Bob,最難撮合邊個藝人?「方力申啦!無論係我電話同佢講,定真人同佢講,我話,喂,睇下吖,呢個真係幾好,同埋佢對你有好感呀,佢話唔好啦! 大佬,你連交友app都有玩,點解你唔要個朋友brother去介紹一個幾好嘅?佢又成日話唔好,扭擰都唔緊要, 咁你對自己有要求,想要搵個更加好, 但連呢個開放嘅機會去試下,都話好似唔係好好!」

再問Bob,最激嬲老婆的一次情況?「嗰陣啱啱結婚冇耐,嗰時同幾個朋友夾份開酒吧要應酬,喂,Bob,依家落嚟呀,你過唔過嚟,咁嗰陣又開緊咪,開完咪之後又要去喇,有時真係飲到天光,朝頭早先有機會返到屋企, 仲要斷晒片!我試過去咗個衣櫃度,以為係廁所屙咗篤尿,屋企個門口又試過,入到自己屋喺個睡房門又以為係廁所,有好幾個月,嗰段時間就係我老婆話得我最緊要嘅時侯!」

最後問Bob,想同邊個爭最佳男配角?「第一我又幾鍾意喺《美麗戰場》入面,李成昌昌哥,即係阿威爺啦;另外我鍾意之前《痞子殿下》阿康張穎康,仲有阿朱仔朱敏瀚都係幾出㗎;《黯夜守護者》阿big boss謝東閔;咁如果你俾我再加埋《下流上車族》,我想加埋鄧智堅,智堅我覺得都好deserve個嘉許,同埋認同嘅機會!」

 

MIRROR 陳卓賢 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹