Advertisement

張敬軒1.14辦生日會免費請歌迷入場 自爆愛情道路上並非勇敢的人

本地
2024.01.03
撰文:卡林
whatsapp-image-2024-01-03-at-6-26-04-pm-7
下月生日的軒仔,會在1月14日舉行官方歌迷會生日會,逾萬名歌迷免費入場!

 

新歌延續《隱形遊樂場》的創作班底,由軒仔作曲及監製、黃偉文填詞、Johnny Yim編曲,記錄青春在無聲無息流走的一剎,因此軒仔提大家要將青春狠狠抱緊:「其實亦屬於每一個人嘅故事。每一個人喺佢哋青春嘅時候,都曾經會遇到過嘅事情。但當時佢哋冇捉緊住,錯過咗,之後回望番轉頭就發覺有一種遺憾。所以呢樣嘢無論我又好、所有人都好,都一定有經歷過,只係你哋身邊嘅男女主角係邊一個人。」

 

在愛情的道路上,軒仔自言並非勇敢,「嗰陣時比較靦腆,亦都唔係一個social media咁流行嘅年代,嗰陣時嘅告白更多嘅係寫信或者面對面,甚至乎手提電話都未流行,每一次約會、相遇都係一件難能可貴嘅事情,所以當時大家面對面,真係有啲說話未必咁容易講得出口。唔同而家social media流行嘅年代,可能俾一個心或者係emoji仲容易,要將心底說話宣之於口,當其時係相對困難。」歌曲製作及拍攝MV時都遇上不少困難,團隊特意飛到日本北海道拍攝MV,但當拍攝團隊拍完第一個location的鏡頭,正在前往下一個location時突然遇上大風雪,團隊被迫折返,加上今次新歌的製作時間亦非常緊迫,收到歌詞後以短短的四日三夜便完成拍攝及錄音部分,正在忙於澳門演唱會的軒仔,更是每日都即晚來回香港及澳門,為新歌趕製錄音。

陳卓賢 MIRROR 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹