Advertisement

張敬軒被遮遮嚇到血壓飊升 「求你唔好用飲咖啡嚟罰我」

本地
2022.05.09
撰文:希希

張敬軒家的遮遮經常都有精采傑作,令軒仔唔知好嬲定好笑,這一天,軒仔又在社交平台分享「#軒公所日常 之 #血壓gogogo」。

向來好叻講故事的軒仔,寫得好傳神:「#前文再續之已經唔知道由邊一度講起——尋日,話說屋企啲咖啡豆就嚟用曬啦係咪,咁呢就呢我呢,就同我屋企個老細,我阿遮講……我諗我哋要買番啲咖啡豆囉。」遮遮回覆話冇問題,軒仔講句唔該,諗住一定冇問題喇!

點知,臨出門口……

遮遮問:「How many you want? The coffee bean I mean.」軒仔心諗,咁押韻你其實係咪想Rap出嚟?

正當軒仔挽住大抽細抽,裙甩褲甩的時候,又諗起過往去到人哋舖頭,通常都係得返兩三包500g豆,於是就答遮遮:「買多啲喇,睇吓佢哋有幾多,要曬都得,可以帶去紅館俾啲同事用。」

意想不到的是:「兩個鐘後……如圖……」原來這間店,存貨充足,遮遮竟然買咗500kg。

「我嚇到即刻嗌停隊Band,出去打俾佢叫佢千祈唔好做傻事……,佢仲要thankYouSir……」

至此,軒仔真係投晒降,但幽默感半點不減:「千錯萬錯都係我錯。求你唔好用飲咖啡嚟罰我。500kg飲到出年都未瞓得着。紅館CoffeeShop。encore由噴紙花改為噴咖啡豆。以為飲咖啡提神,原來買咖啡豆都可以提神,醒_曬。」

陳卓賢 聲夢傳奇 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹