Advertisement

張敬軒自資開萬人生日會 冧爆稱粉絲係自己福氣

本地
2024.01.15
撰文:卡林
whatsapp-image-2024-01-15-at-4-24-32-pm-17
軒仔呢個生日會,好似做騷一樣咁大!

張敬軒將於2月1日生日,由他自資、一連兩場招呼逾萬名歌迷的「張敬軒官方歌迷生日會」,昨日(14日)於澳門舉行,大會找來軒仔的契家姐胡蓓蔚及DJ阿正擔任MC。生日會主題是「軒公生日,你哋大晒」,雖然這是軒仔的生日會,但其實是他氹過萬名的歌迷開心,歌迷收到這份心意後,都自發性拍了很多生日片,並於會場內播放,不過對於一些歌迷「別開新面」的祝福,經常「恥笑」fans的軒仔又忍不住「奚落」他們一番,連胡蓓蔚也忍不住說他「賤嘴」,「我知你咁多fans咁齊心對你咁好,但你成日『gut』佢哋,我知你都係愛佢哋嘅,你係把口賤啫。對唔住,我不嬲都係講真話。」全場歌迷歡呼表示贊同,十分搞笑。

 

好友林家謙、陳卓賢(Ian)及魏浚笙(Jeffrey)亦有拍片向軒仔送上祝福,分享與軒仔間的小趣事,例如Jeffrey拍電影時,鬚根會無故地生了出來,而軒仔就細心地買了一個新鬚刨給他;Ian除了祝福,更叫他要吃多點吃飽點;林家謙則一如以往串爆軒仔,「你又再次告別你嘅青春啦,同埋恭喜你又遠離我一歲啦,我想送個創作人獎俾你,因為聽講你走數多年,希望你新一年盡快找晒啲街數。」

軒仔在生日會中亦有分享自己的內心事,他直言從小到大都不喜歡過生日,主要是不想給反應,但今年很特別,歌迷會於疫情期間成立,他覺得這幾年都沒太多機會跟大家見面,「一路搵緊啱嘅時間,但我發現人生係冇啱嘅時間,應該諗到又有咁嘅機會就要做,所以膽粗粗請大家嚟。雖然今次話係免費入場,但我知道大家都好周車勞頓,好破費,可能要買船飛、買車飛,有啲朋友仲要買禮物,造燈牌,我成日諗呢啲就係我喺呢個世上享受緊嘅福氣,所以想藉住呢個birthday party見吓大家、多謝大家。」

軒仔又坦言這十年經歷了很多,亦開了很多眼界,作出很多嘗試。前幾年他看了由日本企業家稻盛和夫寫給年輕人的一封信,當中提到「共贏精神」,「睇完佢本書,對我嘅人生、價值觀有全新嘅睇法。入咗行咁多年經歷咁多代嘅歌手,由我同年嘅吳浩康,一路到當我哋仲係細蚊仔嘅時候第一排係陳奕迅、李克勤、古巨基;到同我同輩嘅方大同、張繼聰;到我嘅後輩側田、周柏豪、陳柏宇;到而家嘅陳卓賢、林家謙等等,每一代嘅歌手我同佢哋都係competitor(競爭者),但我發現我從來冇因為攞唔到獎而唔開心,或者因為對方攞到獎而妒忌。由細到大我覺得我阿媽教得我最舒服嗰樣嘢就係我好識得去為人哋開心。所以大家不妨改變你嘅信念,試吓改變你對呢啲事情嘅反應,將『共贏』呢兩個字放入你嘅社交入面。」

聲夢傳奇 星級企業大獎2020 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹