Advertisement

張敬軒挑戰拍MV做監製一腳踢 「是意外亦是最好的安排」

本地
2023.04.20
撰文:卡琳
screenshot-2023-04-20-190829
張敬軒在新歌《隱形遊樂場》做監製兼美指,一腳踢!

張敬軒於上月倫敦演唱會尾場,首唱由他操刀作曲、黃偉文(Wyman)填詞的新歌《隱形遊樂場》,歌曲亦於今天(20日)正式上架。新歌的錄音及MV方面,都在倫敦錄製及拍攝,軒仔表示今次是「意外」亦是「最好的安排」:「原本完咗演唱會後,打算同爸爸媽媽去法國旅行放假,但爸爸媽媽身體唔舒服,突然間我又塞咗喺倫敦,喺倫敦又有阿Y好多朋友喺度,又有好多香港嘅朋嚟咗呢度。」

 

軒仔本身的團隊亦因為改不到機票,最後只剩下他及攝影師二人留在倫敦籌備MV工作,他更於十日內經歷把歌錄起、跟MV中的演員casting、尋找拍攝團隊、找道具、搵景睇景,軒仔坦言每一次開會的對話都是:「『唔得㗎、唔得㗎』,但當大家傾完之後就『會得㗎、會得㗎!』不斷話俾大家聽,係會得嘅!」

screenshot-2023-04-20-190930
好靚啊!

軒仔指最神奇的是MV中的旋轉木馬,是最辛苦的挑戰:「我哋第一個選擇係London Eye隔離河邊,好多人都好鍾意去嘅旋轉木馬,但原來要提前一個月申請,所以冇辦法喺嗰度拍攝。但係之後突然接到嗰位老闆嘅回覆,佢話如果我想嘅話,佢仲有一個,係佢親戚嘅backyard。我當時拗晒頭,之後site visit,睇完就覺得:『唔得呀!呢件事一定要做呀!』呢十日好癲,每日瞓得三、四個鐘,自己亦都啱啱從流感、水土不服當中recover,但係好多謝阿Y、好多謝我哋嘅team。」

 

Wyman透露填詞靈感源自於他今年二月到米蘭參與時裝周,一天在街上發現一塊廣告燈牌,並寫着「The future is an invisible playground.」:「未來就係一個你睇唔到嘅遊樂場。我覺得幾有意思,可以elaborate一個精神、或者成為一句歌詞,其實都未知,就袋咗先,呢啲咪就係靈感嚟搵你囉。」

陳卓賢 星級企業大獎2020 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹