剛過去嘅星期六（10日）係歌神張學友60歲大壽，陳奕迅（Eason）﹑梁詠琪、陳慧琳﹑林嘉欣﹑庾澄慶（哈林）、任賢齊﹑吳青峰﹑林俊傑﹑楊丞琳﹑梁靜茹同孫燕姿等60位中港台藝人拍片祝賀學友「登六」。
E神陳奕迅喺片入面祝學友60歲生日快樂，可以繼續生生猛猛唱歌俾大家聽，令歌迷可以一直沉醉學友嘅歌聲之中。哈林就講笑咁話聽學友唱自己嘅歌好有成就感，祝學友身體健康之餘，更祝佢永遠唔降Key。
短片中唔少藝人同大家分享自己最鍾意學友邊首歌。梁詠琪表示自己最鍾意學友嘅《分手總要在雨天》，但最想聽學友現場演唱嘅歌就喺《如果愛》。陳慧琳就話自己最鍾意嘅歌會揀《藍雨》，因為呢首歌能夠慢慢凝聚現場的氣氛，但學友近幾年比較少唱。
部分圖片來源：環球音樂＠Faceboo
