Advertisement

張名雅有明顯病徵 兩名兒子感染Omicron

本地
2022.02.20

screenshot-2022-02-20-at-1-09-53-pm

香港第五波疫情爆發,本港新增多宗新冠病毒確診個案,近日多名圈中藝中相繼確診,前港姐冠軍張名雅(Carat)與老公育有4歲長子Mario和3歲幼子Milo,現時專心照顧一對囝囝,特別在疫情時期絕少外出,減低感染風險。

274297844_1381303808949552_514961242422045396_n

Carat昨日在社交網分享個人經歷,透露兩名兒子日前先後出現發燒、咳嗽及喉嚨痛病徵,她與丈夫為兒子進行快速病毒測試。可惜檢測結果不確定,慶幸服用由家庭醫生處方的藥物後已退燒,身體正慢慢康復。

274298280_320126806743329_2095820941075554849_n

Carat指最近 Omicron 爆發,好多人都柒疫,「有些人中左招自己都唔知,又或者中左但因為潛伏期未能驗出病毒。我今日好想係度同大家分享過去幾日我嘅經驗。有一天家人告知有些唔舒服,感覺應該係普通傷風感冒。但因為安全起見都係到監測站做檢測。但檢測人數眾多,至小三天後才有結果。於是自己做了home self test。當時self test 顯示了一條深色線,另一條線非常淺色,如果唔比啲眼力未必看得出第二條線。第二天我發現Mario有些不妥,好疲累,開始發燒,咳嗽,係咁話要食喉糖。於是我地立刻幫他做self test,結果都是一條深色線,另一條是淺色線。當天晚上Mario發高燒到40度。真叫人擔心。他一直發冷,疲累,顫抖,圍住雙眼嘅皮膚都紅灑。睡眠質素當然也不好,我和爸爸更加是全晚緊密留意住他的情況。一夠鐘便探熱喂藥。細佬Milo情況也是差不多。另外因為我同我老公到而家依然是陰性,所以醫生叫我地要小心保護好自己,不要被感染否則到時就無能力照顧好小朋友!」

274142136_976048320008336_8740823692149061229_n

Carat又寫道:「經過休息,食藥,飲超多水,兩兄弟第二日已經退燒了,可以話已經好得八八九九了。非常感恩。佢地而家係胃口比較差。其他野一切正常。而我同我老公依然是negative,我喉嚨乾,常常乾咳,疲累,短暫記憶也比較差,就是無發燒。係呢度要提醒各位家長,屋企要準備一些快速測試,小朋友嘅高低燒藥。如發現自己有小小不妥要立刻戴兩個口罩,自我檢測,自我隔離,保護家人。檢測時候要留意有無好淺色好淺色嘅線,就算第二條線好淺色都係一個indication,要加培留意,隔二十四小時再做多一次test。另外最緊要就係唔好緊張!一緊張就會亂。有什麼疑問都可以留言或pm我,希望幫到你哋。加油一齊抗疫。祝各位身體健康。」

陳卓賢 姜濤 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹