今年是小肥（徐智勇）入行17年，將於下周四（13日）48歲生日在麥花臣舉行一連兩場（13及14日）《小肥「完全變態」演唱會》，日前小肥便率先與6號@RubberBand及J.Arie雷深如遊走多間酒吧，大唱新歌為演唱會預演。
小肥自承認出櫃後，開始慢慢認識到真正自己，更愈來愈喜歡這個自己，所以當決定今年舉行演唱會後，小肥即時想到「完全變態」的主題。問到今次演唱會賣點？小肥說：「演唱會上半部分會呈現大家熟悉嘅小肥，唱大家想我唱嘅歌好似《寵物》、《時光機》；下半part先會『變態』，因為顧慮仲有新歌未出，大家未知『變態』嗰件事會係點，會唔會小肥變到不倫不類，唔係我心目中認識嘅小肥……我想講『變態』唔係呈現我嘅變化，係一個一直收埋心裏面，自己慢慢浮現出嚟，然後到最後佢終於放監，我都係最近先認識呢個一直喺心底嘅小肥，我稱佢做『小肥西子』，我想喺演唱會介紹佢俾大家。」
具體解釋，小肥形象下半場的『小肥西子變態』主題，沒有任何說教，單純Party主題，透露會台上跳舞，歌曲圍繞未推出的新歌外，還有音樂總監Jason Kui改編一系列大家耳熟能詳的快歌，小肥說：「配合歌舞昇平、花枝招展八個字，想大家單純嘅心態嚟開party，同我巔一齊巔返一晚。」有見及此，今次小肥演唱會以四面台形式，以拉近觀眾距離。
