將會五月十日重啟十六場演唱會的張敬軒，最近除了積極排練，原來早前還密鑼緊鼓做另一工作，而且還是第一次嘗試，昨晚他在網上分享感受更貼上幾張工作照。「最近，我做咗一單我咁大個仔都冇做過嘅嘢，聽人講第一次，係會好緊張、會手心冒汗、仲會忍唔住嗌咗出嚟、身體某部份仲會充血 #個腦 我想話俾大家知係真嘅事後，會令人好回味，仲會懷住一個好滿足嘅笑容去瞓，而家講番起真係紅都面晒唔知大家有冇試過呢？雖然而家呢個年代，好似好多人好細個已經有呢個經驗，而家我每次聽到_ _呢兩個字，我會好大壓力但有少少興奮。」
之後更叫網民猜究竟是什麼工作，更說會送上海報抽獎做禮物，當然軒仔送上不少貼士，例如提到「手機電影」，很多工作人員名單，唯獨只欠導演的名字，難怪不少軒迷都猜到他今次是做導演，紛紛稱他為「張導」，又恭喜他第一胎出世。
