Advertisement

尋泰記|古天樂接受懲罰激罕泳衣亮相 混血肥仔體驗「抓龍筋」痛面容扭曲

本地
2024.04.20

whatsapp-image-2024-04-20-at-17-02-41

古天樂(古仔)以嘉賓身份亮相的多媒體頻道BBO旅遊真人騷《尋泰記》,昨晚(19日)播出第五集大結局。前四集古仔與兩位主持混血肥仔(曾達恩)和丁丁(丁彥均)玩轉曼谷多個地方,今集他們便挑戰終極抽籤互相懲罰遊戲,將系列推至最高潮!

今集有不少搞笑畫面,首先是「泰國天下一CEO」Bobbie挑戰坐「篤篤車」唱泰文版《幪面超人》主題曲,節目組安排他到人山人海的曼谷四面神神壇附近表演,想他在人群面前大感尷尬,豈料沒有人理會他做甚麼,全因所有人的目光都集中在後面「食花生」的古天樂身上,期間更有當地婦人抱起小朋友衝向古仔身邊,搞到不明所以的古仔笑爆嘴:「做乜啫?做乜拎個𡃁妹過嚟?」他更笑住「模仿」對方:「我畀你啦,我唔養喇!」

whatsapp-image-2024-04-20-at-17-02-42

之後就有混血肥仔抽中泰國獨有的「抓龍筋」按摩,他在按摩院門前便已經展露愁容,入到舖頭裏更是面如死灰,正式「埋牙」時,技師不斷用力按壓他的下體,搞到他痛到哭笑不得、面容扭曲,更經常怪叫:「好似兩粒雞蛋俾人玩弄緊咁」、「我之前得罪咗咩人對唔住」、「我聽到啪啪聲」。過癮是節目播混血肥仔挑戰「抓龍筋」期間,混播古仔和丁丁在超市買水果的畫面,當中有古仔拎起比香蕉細小的牛奶蕉問「點解我望住呢抽嘢會諗起肥仔?」的情節,又有他用檯角撞爆蜜瓜的畫面,效果十足。

whatsapp-image-2024-04-20-at-17-02-43

至於古仔就抽中了穿泳衣這個終極挑戰,混血肥仔等人安排了三款泳衣供他選擇,第一個選擇是沙灘褲,第二個選擇是滑浪防曬衣配三角泳褲,第三個選擇是一件頭連身平腳泳衣,結果古仔就揀了望落最多布的第三個選擇:「好吖,呢件啦!」現場見證的混血肥仔和丁丁立即企起來興奮鼓掌,丁丁更說:「古生做咗個英明嘅選擇!」

whatsapp-image-2024-04-20-at-17-02-44

另外,古仔亦在節目中談到「開心」這回事,他坦言工作已經令他非常快樂:「你哋都係啦,拍完一樣嘢之後會覺得『嘩,總算拍到喇』,好有滿足感㗎嘛,我諗過程就係最開心。(好少情緒?)我覺得冇乜嘢好勞氣,冇乜嘢好嬲,有時咪當笑話聽,即係用一個輕鬆啲嘅方法去面對一件事。」古仔更透露肯作客亮相BBO的原因:「咁樣幾好,新生代同我哋而家一齊合作,諗法應該更加長遠先得,所以我覺得都要嚟做一次個原因係,好好地體驗下喺唔同嘅範疇裏面應該可以發生咩事,就唔好話用一個觀賞態度,『好好玩好好睇』咁樣,點解唔上嚟試下做一次呢,呢個先係最緊要。」

whatsapp-image-2024-04-20-at-17-02-45-1

姜濤 星級企業大獎2020 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹