Advertisement

容祖兒新歌Wyman度橋寫下集 搵湯令山作曲兼客串MV

本地
2024.04.29

%e5%89%aa%e8%bc%afwhatsapp-image-2024-04-29-at-2-04-39-pm-3容祖兒今年首支派台新歌《九秒九》今日(29日)上架,歌曲由黃偉文(Wyman)與湯令山(Gareth.T)再度合作。去年,二人創作了《緊急聯絡人》,男方將前度名字填在「緊急聯絡人」一欄;今年,故事由祖兒延續,由女方角度呈現出如何徬徨焦躁地準備這次特急行程,可說是《緊急聯絡人》的下集。祖兒透露概念全由Wyman促成,「因為佢係《緊急聯絡人》填詞人,當我俾咗Gareth呢個demo佢嘅時候,佢好快就話俾我聽『不如我哋就寫《緊急聯絡人》嘅下集』,由我作為第一身去講返嗰件事、嗰個感受。」

祖兒坦言,對於每個階段的樂壇都有自己很欣賞的音樂人,上一個自己很喜歡的是方大同,近年則是Gareth.T,「呢幾年每一次聽湯令山嘅新歌,我都可以無限循環咁樣去聽,無論佢嘅melody同埋演繹,對我嚟講好有feel,所以今次做新碟第一個想合作嘅人就係Gareth,咁就搵佢啦!」

除了作曲,祖兒亦邀請Gareth.T於MV客串的士司機一角,「佢嘅MV都係佢嘅創作,所以我話:『我今個MV可唔可以邀請你參加呀?你啲MV成日都有你啲朋友,我可唔可以邀請你?』佢話:『OK㗎,我可以㗎!』然之後佢就喺入面飾演一個角色。」

今次MV最特別之處是採用一鏡到尾的拍攝手法,面對首次「一shot直落」的祖兒,她坦言充滿挑戰性,各種走位細節等,在拍攝前已在祖兒腦海「走」過無限次;另外,又請來著名舞台劇演員邵美君導戲,祖兒說:「有兩個單位我好多謝嘅,第一次合作嘅導演Maggie同埋邵美君老師。好耐之前我已經同邵美君講,『我好想跟你學演戲』,雖然最後冇成事,但今次呢個MV,Maggie幫我搵咗美君,我哋一拍即合!喺佢嘅指引底下拍咗呢個MV,個感覺好安全、好有信心,希望大家都會喜歡呢個MV啦!」

星級企業大獎2020 姜濤 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹