現年32歲的吳業坤（坤哥）昨晚（7日）在社交網報喜，目前身處日本的他宣布娶圈外女友。坤哥貼出兩張甜蜜合照，其中一張二人深情對望，不過只見到女方的背影；另一張是兩人齊齊拿着四葉草的照片， 從影子看，亦能感受到他們有多幸福呢！
坤哥開心寫道：「想簡單地同大家講一聲，小弟結婚了。感覺好微妙，一直都覺得自己仲係小朋友咁，唔知道幾時先叫大人，可能調返轉要比佢照顧返。但往後嘅日子，我會努力去守護，現在的我好幸福。謝謝大家一直以來嘅愛護及包容，接下嚟都請繼續多多指教。」坤哥又表示希望大家給予他和太太空間，「最後，暫時關於她的事情都想留一點空間，日後再介紹給大家認識，謝謝大家！」
坤哥透過經理人公司回覆：「多謝記者朋友祝福，收到晒！小男孩今日長大成為幸福人夫，往後會用男人方式向前進發，努力工作照顧好家庭，也衷心希望記者朋友能給予太太空間，讓她低調做我背後強大後盾的吳太。」
無綫高層樂易玲發文回憶坤哥出道以來的經歷，「第一次（2014年）幫吳業坤搵星夢唱片，遭星夢娛樂拒絕；第一次成為歌手，簽約星娛樂，到記招現場力撐佢；第一次同佢車上揀Demo、第一次幫手Handmade 派台哥《原來她不夠愛我》Cover，第一次佢贏得叱咤樂壇我最喜愛的男歌手獎，出席頒獎禮前同佢揀戰衣；第一次紅館個唱，係某日凌晨1點半，喺九龍城路邊打冷同佢講開紅館個唱，佢仲好疑惑咁問我得唔得㗎？我仲拍心口答佢：咩唔得？叫佢只需要唱好當晚台上的歌，其他一切我搞掂，就爆俾佢睇！同佢經歷過咁多個第一次後，睇住佢走進人生迷惘期，佢想要學習獨自面對，然後，佢第一次用18日完成『東海道53次』，由京都步行到東京，全程492公里，呢一份決心同毅力，令我終於第一次感覺到，佢大個仔了！」
樂易玲又恭賀坤哥：「今日，大個仔咗嘅佢走進佢人生另一新階段， 當然要為佢開香檳慶祝！恭喜恭喜！終於可以大聲講佢結婚喇，百年好合永結同心，成熟是照顧身邊最愛，行禮時有冇感動到喊眼鏡再次出霧。#終於可以大聲講坤哥結婚喇 #百年好合永結同心 #成熟是照顧身邊最愛 #行禮時有冇感動到喊眼鏡再次出霧 #當年攞完最受歡迎男歌手轉頭扮棋 #扮棋都全力以赴」
圖片來源：吳業坤、樂易玲@Instagram
