Advertisement

安心事件|首次透露不開記招道歉原因 黃心穎感激途人送鼓勵

本地
2024.02.03

screen-shot-2019-04-16-at-1-56-54-pm

黃心穎於2019年被爆出背着馬國明,與許志安雙雙出軌,「安心事件」令她形象事業盡毀,更一度避走美國8個月。經歷四年沉澱後,心穎去年初以創作歌手重新出發,並先後推出三首派台歌。

心穎最近接受雷霆881商業一台《星光背後》專訪,談及面對醜聞爆發前後的心路歷程,並激動認錯兼淚崩,坦言愧對家人,亦曾多次萌生輕生念頭,最終選擇面對過錯回港,雖然面對不少負面聲音,她亦感恩遇到途人給她打氣,讓她仍覺世界美好。

心穎接受梁泰來主持的《星光背後》訪問
心穎接受梁泰來主持的《星光背後》訪問

心穎自小被爸爸疼愛,給予很大自由度,當初從加拿大回港參選港姐,也是得到爸爸的鼓勵。對於2019年時爆出「安心事件」,姊姊心美與爸爸一直成為追訪目標,她激動得淚如雨下,坦言家人沒有因此埋怨,「嗰一刻佢哋見到我個狀態,如果佢哋再埋怨我的話,我應該頂唔順。」心穎從事發至今一直極度內疚,她哽咽地說:「我係好內疚,因為事件後家人受到騷擾,亦影響到佢哋生活,當時好多傳媒喺家人屋企樓下等,亦影響到佢哋工作真係好內疚。」心穎事後赴美國讀戲劇,避世長達8個多月:「事發十日後離港,出發前都無見爸爸,佢都無提起呢個話題,因為大家都消化緊,到自己去到美國時候,佢哋認為我應付到情緒,都有單獨send message俾我。」心穎指爸爸愛之心責之切,「待我情緒穩定後,爸爸都有打嚟鬧我,叫我做任何嘢都要諗清楚後果,唔可以再咁任性。」八個多月後,心穎因三家姊生孩子決定回港:「屋企人都好開心我返嚟,所以返到嚟個感覺係好溫暖。」心穎爸爸於去年十月見證完她結婚後,十二月因病離世,心穎再次激動落淚,遺憾陪伴父親的時間不足夠,「回來同爸爸相處多了,但係覺得唔夠,認為可以陪佢多啲,可能呢啲就係人的遺憾。」

心穎遺憾陪伴父親的時間不足夠
心穎遺憾陪伴父親的時間不足夠

5

心穎憶及2019年4月醜聞爆出前後感受,指報導出街前已收到風聲,形容是等待一個計時炸彈爆發,「事前有少少風聲話有單新聞關於你哋會出街,坦白,爆出前我係驚過事件曝光後,一直都好擔心,就好似一個炸彈等住爆咁樣,所以新聞出街後,內心反而平靜咗,但事件曝光後,心情又係另一個世界。」她坦言新聞曝光前曾想過輕生,「件事出街前,我其實有諗過我係咪要消失係呢個世界,之後有好多好朋友即刻到我屋企睇住我,但我個情緒都係好差,好似浮雲咁。」對於醜聞爆出至赴美前,黃心穎一直被批評沒正式面對公眾或開記者會道歉,她首次披露原來遭舊公司禁止,「我好記得事發第一日,我有問過公司係咪都要開一個記招去道歉,但公司怕好多人鬧或者追問,所以當時就話唔好做住。」她坦言當時很想即時公開道歉,「我記得有一下好衝動,同朋友講想直接落樓下見記者道歉,當然被我朋友阻止。」她坦言離港赴美前十天一直不好受:「之後有好多唔同新聞,我諗公司都傾向唔做記招,但係我覺得自己做唔到一個人,就不如離開香港。」

四年前事發時,黃心穎曾於社交網撰文認錯,美國回港一落機亦接受記者訪問公開道歉,但不少網民窮追不捨,即使去年轉做歌手出MV,亦有不少負面批評留言,被問到回港後在街上有沒有受過責罵,她說:「喺街上面從來都無人會過嚟鬧我,反而係有好多人走過嚟同我講加油!」反而最近更得到途人打氣,她說:「最近放狗時,遇到一個女仔突然走嚟同我講,叫我唔好驚!嗰刻我反而好驚,點知佢同我講,話其實已經見過我兩年,一直唔夠膽同我講嘢,佢好想同我講一聲加油,做女仔都可以好堅強!聽完之後,我即刻覺得個世界仍然係好美好!」

星級企業大獎2020 聲夢傳奇 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹