Advertisement

婚後事|黎諾懿浸浴戲背面全裸因太激被刪走 羅天宇當眾「裸跑」扮陶醉超尷尬

本地
2024.02.25

whatsapp-image-2024-02-25-at-15-58-57-2

由羅子溢、陳自瑤、黎諾懿、賴慰玲、羅天宇及王敏奕等主演的無綫新劇《婚後事》明晚(26日)播出,將多角度探討愛情及婚姻世界,由六個不同主角,以六個不同視點為大家揭開同一個故事的不同面貌,與劇中主角一起跨越痛苦後齊齊成長。

黎諾懿飾演的甘誠鈞(Davey)與羅天宇飾演的程天暉同為情聖角色,分別在於Davey是坐擁數千萬年薪的補習天王,身邊高質女伴一浪接一浪,令賴慰玲飾的正印呂靜林(Gina)長年以來只能啞忍。天暉則是出身於小康之家的追夢者,無論收入地位均見低微,雖然事業方面堪稱loser,但由於樣子標緻,加上口甜舌滑,抱着末日戀愛心態,亦長期不乏性伴侶,而天暉身邊最親密的異性朋友,就只有王敏奕飾演的「好兄弟」呂靜海(Mira)。

除了同為情聖,諾懿與天宇為了《婚後事》同樣豁出去「裸」到盡!諾懿繼與賴慰玲的親密鴛鴦浸泡泡浴、及與陳自瑤的激吻場面引爆熱話外,原來為了該劇還獻出了更激場口,諾懿坦言由於場口太激,最終遭全面刪走,「其實嗰場浸浴戲,原本有個鏡頭係影到我背面全裸,即係全身上下都無遮無掩嘅。由於當時我係面對住幅牆,鏡頭只係影到我背面同Pat Pat,加上我對劇組好有信心,所以索性真空上陣坦蕩蕩咁拍,不過最後好似話怕大膽得滯Cut咗。」諾懿又揚言Davey是其從演以來最具挑戰性角色:「因為情緒上落好大,有衝突場口,又有好傷心、好憤怒嘅場口,有啲戲要演得壓抑的,有啲戲又要外露啲,同表現得好自信,同埋因為角色設定口才好,有時一輪嘴講對白都幾考功夫。但For一個演員嚟講,真係過足戲癮,期待出街後觀眾嘅反應。」

至於天宇則在監製要求下,在沙灘上豪邁忘情「裸跑」,既要全身捲滿廁紙,更要做出極度享受的奔放表情,相當爆笑。「怕醜仔」天宇笑言拍攝時相當尷尬:「其實我雖然有着住肉色打㡳褲喺度跑,但因為我成身捲滿廁紙,又要個樣好陶醉咁,搞到成班幕後都焗晒蟹。同埋嗰日海邊唔係完全冇人,仲要有啲船喺海中心,都要克服好大心理關口,都有因為忍唔住笑,食咗唔少NG。」監製林肯透露為了令怕醜成性的天宇開竅,除了為他度身訂造「裸跑戲」,更點名要他成為全劇「喜感擔當」,只要有天宇出現的劇情,一定逃不掉輕鬆搞笑Feel。

星級企業大獎2020 MIRROR 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹