Advertisement

姜濤新歌女主角激似隊友邱傲然 Tiger搞笑回覆:又話唔用嘅

本地
2024.01.12
撰文:卡林

whatsapp-image-2024-01-12-at-5-04-17-pm-3
姜濤第14首新歌《黑月》。

【今日睇咗未?】周柏豪突取消北美巡演 斥主辦方違約安排失檔|姜濤新歌女主角激似隊友邱傲然 Tiger搞笑回覆:又話唔用嘅(12/01/2024)

MIRROR亞博演唱會下周一(15日)舉行,成員楊樂文、邱傲然(Tiger)、陳瑞輝、王智德、盧瀚霆陸續推出Solo歌,而姜濤亦在開騷前,推出第14首新歌《黑月》,並在社交平台貼出宣傳照,不過照片卻引來網民爆笑!

皆因姜濤在相中被女主角吻頸,而女主角的頭髮與姜濤的隊友Tiger有幾分相似,隨即引來網民留言:「其實個女主角係咪Tiger?」姜濤也截圖並標註Tiger:「真係有啲似你。」而Tiger本人亦在IG轉發該帖文,搞笑回覆:「死火啦!又話唔用嘅!」

 

姜濤的新歌《黑月》是從生活觀察中得出創作理念,他道:「在入行後的觀察中發現原來當很多人擁有了金錢、權力後,背後可能會做出一些不爲人知的黑暗行爲,傷害他人,去滿足自己不斷膨脹的心理慾望。」面對娛樂圈形形色色的人和事,姜濤最想做到的是堅持初衷,能抵抗各種誘惑,不被貪慾吞噬。雖然他曾説過「自己有一部份冇以前咁美好,冇咗太多天真想法,知道成人嘅世界需要應付好多現實嘅嘢」,但姜濤都會盡可能保持原本的自我,生活中會保留一些舊有的習慣,不容許遺忘昔日的自己,他舉例說:「我到今日都仍然會去街場打波,就算好多人知我係邊個,我都會去,因為嗰個會係搵返以前部份嘅我嘅地方,跑步都係,我都會跑返同一條路,跑返同一個海邊,遇到乜嘢困難,我都會對住嗰個海許願,我最驚以前嘅一啲生活習慣會冇咗,所以會Keep住。」為了傳達歌曲的訊息,這次姜濤在MV中以Bad Boy造型示人,濃黑的眼線、金黑強烈對比的髮色配襯不羈的造型,不過他笑言:「新一年新形象,不過以前嘅作品《鏡中鏡》、《作品的說話》,都Dark到冇得再Dark,我唔係想話俾大家知我有Bad Boy嘅一面,只係為咗表達作品嘅意思,需要我有呢個造型。」姜濤更透露,今次演唱會都會出現近似造型,以及會有小小彩蛋,到時會給觀眾一個驚喜。

聲夢傳奇 姜濤 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹