Advertisement

姜濤回應Fans衝突事件 我同AL好苦惱唔知點解決

本地
2024.04.23

 

姜濤與Jer為《12怪盜》謝票。
姜濤與Jer為《12怪盜》謝票。

MIRROR完成世界巡唱美加站的演出後已回港,並隨即投入電影《12怪盜》的謝票活動。有份出席謝票活動的姜濤,對於近日Fans之間的不快事件,特別作出了以下回應。

Anson Lo夥拍Jeremy到戲院跟觀眾見面。
Anson Lo夥拍Jeremy到戲院跟觀眾見面。

「呢一兩日不停了解整件事件嘅經過,發現網上都流傳咗唔同嘅版本,不過無論點樣都好,事件已經發生咗,我淨係希望大家可以安全快樂去支持我哋,唔好有任何爭執或者碰撞,呢個係我哋最唔想見到。我同Anson Lo(AL)都有傾過,我哋都覺得好苦惱,唔知點樣做,呢件事發生咗唔只一、兩次,但好似一直都冇辦法解決,冇諗過一件Suppose開心嘅事情,會變成咁樣。因為每次見到我哋嘅支持者,不論係Fans或任何人,大家不論支持我哋MIRROR或是任何一個,我哋都係咁開心,因為真係一種鼓勵,所以希望以後每次見面,都可以係愉快、平安、安心地去進行。」

姜濤只希望大家可以安全快樂去支持他們。
姜濤只希望大家可以安全快樂去支持他們。

MIRROR今日將繼續為《12怪盜》謝票,十二子更會首次攜手一同出席《12怪盜團魂見面會》謝票活動,與280位幸運被抽中的觀眾進行謝票。

星級企業大獎2020 陳卓賢 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹