Advertisement

女團VIVA頭炮韓國團隊打造 首次拍MV辛苦到喊

本地
2024.05.31
VIVA(左至右):Macy、Carina、Valc、Ada
VIVA(左至右):Macy、Carina、Valc、Ada

whatsapp-image-2024-05-31-at-1-35-55-pm由姜咏鑫(Ada)、李晞彤(Carina)、馬思惠(Macy)及張鈊貽(Valc)組成的全新女子組合VIVA日前正式出道,首支派台作品《Topic Killa》亦同步推出,音樂班底、錄音、MV拍攝及舞蹈編排均由韓國團隊負責。歌曲講述VIVA從女生角度演繹當面對心儀對象是一位「話題終結者」時的心聲,深夜向對方發出一個「Goodnight」信息,卻換來一個毫不浪漫的「It’s Alright」回覆,對方蠢鈍又帶點可愛,令人又愛又恨,作為女生惟有剛柔並重,像rap詞般直接表達的同時,又保留一點矜持。

Carina是隊中「藝能擔當」,她表示首次到韓國錄歌,感受最大是唱歌部分,「因為韓國同香港嘅唱歌模式好唔同,我認知上面,學咗好多新唱腔、發聲技巧,點樣運用喉嚨或者聲帶肌肉,所以我哋都用咗好多時間去平衡,我相信我哋冇人冇為過唱歌呢一個部分而冇喊過,不過喊完就冇事,都係抒發一吓,第二日大家又打起精神去接受挑戰。」隊中的「舞蹈擔當」Valc表示,可以跟一些自己很欣賞的排舞師合作,十分開心;而外表甜美的的Macy除了是「唱歌擔當」亦是「大力擔當」,「喺韓國受訓期間,有一晚我自己喺宿舍下層,佢哋喺上層,突然間發生一下巨響,然後我大叫,佢哋以為我喺下面有事,即刻衝晒落嚟,其實我係坐爛咗張櫈,哈哈!」;而「姐姐擔當」的Ada立即和議,「佢真係好大力,第一次見識到佢嘅『力量』,係我哋第一日去到韓國宿舍樓下,楝大廈冇𨋢,Macy一口氣將佢兩個篋,行樓梯搬咗上三樓!」

今次的MV拍攝現場,亦令她們驚喜萬分,例如首次見到為她們打氣的應援餐車,每拍攝完一個鏡頭後,她們背後即「自動」出現四張椅子,讓VIVA坐下休息,原來都是貼心的工作人員預備,此外當然不少得「艷遇」,她們心心眼笑說:「我哋MV有一位工作人員好大隻、好靚仔,然後我哋走咗去問經理人,可唔可以簽佢返香港,哈哈!」

陳卓賢 星級企業大獎2020 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹