Advertisement

夜視鏡|Ian首度跳唱為MV苦練舞步 體能強勁輕鬆跳足6小時 

本地
2023.12.23

whatsapp-image-2023-12-23-at-14-16-03-3

陳卓賢Ian今年最後一首節拍強勁的唱作作品《夜視鏡》推出以來,不少Hellosss都猜想Ian會以跳唱姿態登場,但MV一直未見蹤影,令大家以為估錯方向,但實情是Ian秘密練兵,在《夜視鏡》MV中,首度成為跳唱擔當,大騷舞技,MV出街後,一切謎底都解開。

whatsapp-image-2023-12-23-at-14-31-20

Ian一直對於跳唱一事故弄玄虛,目的都只為給Hellosss一個驚喜。Ian道:「初初《夜視鏡》出咗街,大家聽到一個節拍比較強勁嘅歌曲嘅時候,大家唔知邊度聽返嚟話係跳唱歌,但我冇講過話係跳唱歌,亦都冇講過話唔係跳唱歌,不過而家出咗MV,大家就知係跳唱歌喇!」為了這次〈夜視鏡〉的MV,Ian在拍攝前苦練舞步,而導演知道這是Ian第一首跳唱歌,也作出了特別安排。Ian續說:「導演想俾好多跳舞位我表現自己,所以除咗Group Dance,仲有一啲跳舞嘅場面,個MV淨係拍跳舞都拍咗6個鐘冇停過。多謝佢俾呢個機會我,雖然跳到好攰但都OK,最緊要出嚟好睇,大家鍾意就好。」由於拍攝時間頗長,身邊工作人員都十分照顧Ian,更不停給他朱古力和糖果,以補充體力,但Ian笑言:「我天生臉青口唇白,皮膚比較白,咀又冇乜色,但係體能OK。以前打波體能應付係OK,但大家好擔心我,會不停請我食朱古力同糖,多謝大家,好好!」

whatsapp-image-2023-12-23-at-14-16-03-7

除了跳舞畫面吸睛,今次《夜視鏡》亦加入不同的視覺效果,其中一樣就是燈光。Ian介紹道:「導演用咗一啲好靚嘅燈光串連成個MV,令到畫面上嘅Layer都推高咗,所以今次燈光喺呢個MV入面有一個好大嘅功用,望落係好似上咗舞台做Live Performance嗰一種燈光效果,我覺得好靚。」除了燈光,MV內亦加入3D Scanning技術,Ian解釋道:「今次MV有做3D Scanning,會用喺剪接上嘅過度,例如Group Dance跳到某一個Step就停低,全部人Freez咗,就會有一個3D畫面,有啲Visual Effect出嚟,再去到下一段同樣嘅Melody,又會返去畫面繼續跳。」MV出街前只能靠想像,但Ian坦言很期待製成品,Ian說:「因為傾嘅時候都有略為講過大概Flow同Story係點發生,聽嘅時候已經覺得好正,好期待!」

whatsapp-image-2023-12-23-at-14-16-03-2

今年Ian終於推出了跳唱歌,未知日後可會再有機會再推出跳唱歌呢?Ian未置可否,只道:「*短期內都可能唔會出跳舞歌,但相同曲風都有機會再出* ,但係咪跳舞就到時再睇情況,睇下今次出咗MV個反應先,睇下大家係咪真係好鍾意睇再決定係咪跳舞,如果大家鍾意睇嘅話就好值得,我唔會抹殺任何嘅可能性。」

姜濤 聲夢傳奇 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹