由連詩雅（Shiga）主持的節目《因為愛情》將於明天起播映，Shiga訪尋了12個特別的愛情故事。Shiga初次為15集節目擔任主持，節目中她提到從12位嘉賓身上，見到各自獨特的一面，卻有一共通點︰「佢哋經歷患難而不離不棄，互相成長同包容。」Shiga接受訪問時笑言，每集都抱住戰戰兢兢心情開工，得着是體驗到無私的愛，她說︰「少時會享受被愛護嘅感覺，依家覺得愛情係要互相付出、扶持，可以少啲計較、挑剔，學曉欣賞，而溝通同諒解係好重要。」
節目中Shiga會同故事的主人翁打成一片，今年7月她陪住港女阿恩及兩名女兒，飛到台灣跟老公Jason團聚。因為疫情及工作關係Jason已有兩年半沒有回港，今趟是一家四口難得重聚的大日子，拍婚紗照兼全家福相，Shiga都全程參與，感受那份喜悅。
講到最能打動Shiga的故事，她話有兩個印象特別深刻︰「其中一個故事嘅女主人翁Tiffany患咗癌症，佢真係今日唔知聽日事，但係佢選擇咗用一個好積極嘅態度，同另一半Jeff去面對。」Jeff在節目中講過一句「愛是當『我』變成『我們』」令Shiga感受良多。
另外一對是Carmen同Eric的故事，Eric年輕時對Carmen一見鍾情，二人開始拍拖。好景不常Carmen在澳洲讀書時遇上車禍，導致頸椎以下不能活動。Eric卻始終如一，反而女方的父母反對，怕的是Eric反悔，令女兒受到二次傷害。事實證明這22年間Eric的照顧無微不至，Shiga話︰「嗰種不離不棄、兩人眼神間流露出相互嘅感染力，喺剪片嘅時候睇返，都會喊多次。」