由黎芷珊主持的無綫訪談節目《單對單》，明晚（10/07）播出第三集，請來高海寧大談愛情觀。
高Ling跟芷珊一起做瑜伽和整蛋糕，坦言每當思緒紊亂時就會做瑜伽，有助減壓，用一個小時來放鬆身心。目前處於單身狀態的她很享受，表示：「單身只係眼前狀態，冇乜大不了。反而仲可以趁呢段時間睇清楚自己個心，想要啲乜、追求啲乜，然後遇到更加好嘅人。」
高Ling多年來拍拖不足5次，最長一段關係維持了8年，以前總會處於被動，亦謹慎地選擇另一半，不會輕易投入一段新關係，現時卻不一樣，變得積極了，她說：「年紀大咗好難好純粹去鍾意一個人、好難心動，所以如果依家真係俾我同一個人相處咗後又有Feel嘅，我會覺得唔好錯過。人生在世，好短㗎咋，如果有個人可以令你好衝動，可以為佢奮不顧身，係好難得嘅一件事。」雖然一直喜歡小朋友，但34歲的她未有生育計劃，也自認「難追」，任何物質也不是心動的重點。假如另一半愛上別人，高Ling毫不介意，認為：「你覺得佢好過我，It’s OK！我有我自信，你有誘惑，我冇咩？但我會選擇同你一齊，係因為我覺得你重要過其他人。」
提到剛離世的外公，很重視家庭的高Ling不禁淚如雨下，「公公係我暫時人生最大遺憾，我係婆婆公公帶大，所以感情好深。雖然好多人安慰我好多人見唔到親人最後一面，但你會突然間覺得，你以後都見佢唔到啦！」
部分圖片來源：高海寧@微博
