Advertisement

唐詩詠爆角色無突破離巢TVB 「絕世好女友」談感情失敗因由

本地
2024.04.13

434388430_18433228195060988_16353402960990892_n

唐詩詠於2003年拍青春劇《當四葉草碰上劍尖時》入行,2017年憑《不懂撒嬌的女人》首奪視后攀上事業高峰,惟兩年前宣布與TVB約滿離巢結束20年賓主關係。近日,唐詩詠為開電視主持旅遊節目《英國邊忽好》並接受雷霆881商業一台《星光背後》專訪。節目中,唐詩詠承認早於2015年已欲外闖,親述離巢原因外,更於節目中哽咽落淚,談及離巢之後,才讓她有機會與年邁的父親外遊,重拾與至親關係;最後她亦自揭「絕世好女友」感情失敗因由。

為開電視主持旅遊節目《英國邊忽好》
為開電視主持旅遊節目《英國邊忽好》

t5mnue5iuwin8fjpo_q6szqqn8g0mzfq_3d99_93ffc

效力TVB近20年,唐詩詠17年首奪視后時才能下定決心計劃離巢,「15年那時還會恐懼,確實係2017年拎完獎之後,我內心有諗法,我同自己講40歲後我要諗清楚想做啲咩,係我為自己設嘅deadline,感覺到自己要時間休息。」她更談及驅使她作出轉變的原因:「我係好鍾意演戲,但再咁拍落去,覺得自己無突破,演嘅角色都差唔多。而生活上,已經拍到好攰。如果我想有得揀,我必須要有足夠積蓄,所以離開之前狂拍劇,計過自己半年沒工作都可以養家,金牛座需要有好好準備先去做決定。」看回自己兩年所作的決定,唐詩詠說:「我發覺恐懼源於習慣,離開後我即時接了一個廣告,也拍了兩齣電影,有可觀的收入,亦有不同的嘗試。」

%e5%94%90%e8%a9%a9%e8%a9%a0

離巢後,唐詩詠更有機會赴孟加拉為國際培幼會(香港)探訪受童婚影響的女孩家庭。她坦言此行令她人生一百八十度改變,反思扭曲的童年,「孟加拉嗰啲女仔好偉大好想讀書為其他人,我反觀自己當年有書都唔讀,只係為咗掙更多錢,好多野都係為咗自己。當年金融風暴,經歷父母離異,遇過好多人上門拍門追債,果時我認為無錢就會有好多問題出現,父母亦唔會分開。」透過探訪孟加拉被迫嫁給陌生人的女孩,她表示更學懂珍惜身邊人,更哽咽分享約滿後有機會陪80歲父親首次外遊的相處點滴,「有一次見到朋友IG 同屋企人旅行,我先醒起從來無同過爸爸旅行,以前只掛住拍劇掙錢,但真正陪佢嘅時間真係無乜。」憶及與爸爸在日本首次單獨相處,她一度感觸哽咽,「第一次同爸爸、哥哥去日本旅行,有一晚得返我同爸爸兩個人食飯,雖然大家無講咩特別話題,但嗰次先至好似同爸爸真正相處。」事後,她更認無悔離巢,讓她有機會重拾至親關係,「過去20年我浪費咗,希望未來日子我可以帶爸爸去唔同地方旅行,因為爸爸都80歲,之前從未試過外遊,希望佢有更多呢啲回憶,亦想一齊搵呢啲回憶,我唔想到最後先後悔。」

363786255_18383428150060988_2756247620974307844_n

談及感情,號稱「絕世好女友」的唐詩詠過去的關係均失敗告終,她分析因由說:「當然有好多原因,對方的原因我唔會講,我自己過去都是因為太注重工作,乜都工作行先,當然都會照顧另一半,但其實我一直唔識溝通,除左最長果段感情,對方一觸碰我的底線,我就會走!過去拍拖,我最弱就係溝通,我唔識將自己唔開心同另一半分享,我以為唔講出嚟就無野,最後對方會覺得『點解你唔開心唔同我講?』」唐詩詠稱對戀情曝露於公眾時,她亦不懂處理:「當記者問:『你地而家點阿?』,原來當時我地嗌緊交,但我又唔想表露,就唔識點答,亦會為呢關係加上壓力,磨擦就多咗。」17年回復單身至今,唐詩詠認自己成熟成長了,已準備好迎接一段細水長流能溝通的關係。

ylya6zv0oq5axfngunet1oozqblv1sttpbq81twupnu

陳卓賢 聲夢傳奇 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹