Advertisement

周家怡李靖筠日本自駕遊揸86 「你明唔明個儀式感?真係好感動!」

本地
2024.06.06

whatsapp-image-2024-06-06-at-5-16-18-pm-2 whatsapp-image-2024-06-06-at-5-16-18-pm由兩位愛車之人周家怡李靖筠(Gladys)拍攝的網上駕駛節目《恨駕女團》,最新一集昨晚(5日)已上架,今集二人衝出香港,飛到日本,實行恨駕到大阪。

出發前,家怡問Gladys到日本後想開甚麼車?Gladys表示想開JDM,即在日本境內販售日本版、日本規格的車。二人又曬出國際車牌準備就緒,不過當家怡見到Gladys的國際車牌便不懷好意地問:「咦?點解你會有嘅?」Gladys反問:「咩呀?」家怡即說:「你平時都係專業乘客,你使乜申請呢個啫?」激到Gladys一度語塞,十分搞笑。

安全到達大阪後,二人立即去到租車車行,車行內陳列出各式各樣的中古JDM車款,從開篷車到經典車型應有盡有,兩人興奮地參觀一輪後,最後選中動漫電影《頭文字D》中,男主角藤原拓海所開的「AE86」,二人坦言一直都想開「86」,「講咗好耐,一路都揸唔到,一路都冇借到86,依家喺日本揸86!你明唔明嗰個感覺、嗰個儀式感?真係好感動呀!」

雖然「恨駕」86,但由於車款是1983年出產,加上操作規格跟現代車有少許分別,以致一開車便出師不利,負責駕駛的家怡一開始便停泊在路邊,「個死火燈係喺…… 冇死火燈嘅?我唔知架車個死火燈喺邊?」最後拍攝團隊上前解圍,終於能夠順利出發。一路上,家怡大讚車輛保養得很好,「啲聲好實淨呀!駕駛感覺嚟講,佢堂軚好鬆、好輕、好多虛位,極力子好容易放,如果以四十年呢個condition,直程係好好!佢唔係淨係個樣好,我依家揸起上嚟我都覺得佢精神。」Gladys亦謂:「比我想像中紮實喎!我覺得呢架車同我哋之前咁多集嘅駕駛樂趣好唔同,第一因為係古董車啦,同埋我哋人生路不熟,哈哈!」

二人又分享日本自駕遊經驗,「喺日本要用佢哋本身install咗嘅導航係準好多。」家怡亦十分贊同,「嚟親日本自駕,入導航嘅時候,我唔會將佢轉做英文,我一樣用返日文,反而一去咗(轉)英文,就好難睇,呢個都係俾觀眾嘅少少貼士。」

星級企業大獎2020 姜濤 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹