Advertisement

周家怡分享Y2K回憶自認八婆 李靖筠爆拍戲就便秘

本地
2024.04.10

whatsapp-image-2024-04-10-at-2-27-31-pm whatsapp-image-2024-04-10-at-2-27-31-pm-8周家怡李靖筠(Gladys)近日為網上節目《恨駕女團》任主理人,最新一集於昨晚(9日)上架,今次的主題是「Y2K」,所以節目組特別借來一輛1999年出產至2002年停產的「Silvia S15」(又名「飛雞」)來拍攝。

跟車主了解完車輛性能後,家怡與Gladys急不及待上車「走返轉」,二人大讚「好玩、好正」,Gladys表示以前對這種車有誤解,「成日覺得坐呢啲車會好chok,但依家又坐得幾舒服喎!」家怡則謂以前玩賽車game時,經常見到這款車,亦會選用這車作賽,「成日鏟上壆、撞埋牆,我成日覺得好難控制,但原來其實又唔係好難揸咋喎!油門同剎車嘅高度啱啱好、踭趾一流,可以放心踏,唔覺得佢有好難駕馭感覺。」最後更大叫「棍波車好好玩呀!」不過提到棍波車,家怡坦言有陰影,「試過泊咗架棍波車喺條斜坡,去完個friend屋企之後去攞車,架車唔見咗!原來流咗落去斜坡下面,好彩冇撞到人!其實個hand break我已經抽到好高,到最後check咗都係hand break老化,好驚呀!有陰影呀!以後揸棍波車一去斜路就入定個一波先。」

whatsapp-image-2024-04-10-at-2-27-31-pm-4玩完車後,二人特別到一間懷舊餐廳醫肚。開餐期間,為配合「Y2K」主題,節目組開出「任務」讓二人完成:「自拍一張Y2K感覺的照片」,並提供無框眼鏡及千禧年數碼相機作為道具。二人隨即戴上眼鏡不停自拍,不過家怡似乎拍得未如理想,這時Gladys立即充當指導,「我教你,你唔好笑,你一笑就好似嗰啲auntie!」家怡大感無奈,「人生已經好苦啦,笑吓都唔俾!」節目組又問到,2000年才七歲的Gladys那時候的偶像,向來爽直的她說:「我唔想講呀⋯⋯」然後才說:「我鍾意做醫生有少少鹹濕嗰個!你唔覺得佢個樣,成日好似鹹鹹濕濕咁嘅咩?做手術又好鹹濕、好正,哈哈!」大家估唔估到係邊個?

家怡則自爆自己小時候十分討人厭,「去食大排檔,我會突然間無端端扮作嘔『我想嘔呀』,見到坑渠邊我又會扮作嘔,所以我細個真係好乞人憎㗎!自己彈琴嘅時候,我啲阿哥喺度玩,我就會話『爹哋,佢哋好嘈呀』,我真係八婆嚟㗎,公主到不得了!」直到中三才沒有那麼討人厭,「上咗中學都好啲,但我嗰陣時都唔可以喺街度屙屎,我意思係唔可以喺街嘅洗手間便便。」話題一轉,二人熱烈地討論如廁話題,原來Gladys到現在亦不能在外「開大」,「要好急先得!」家怡就問到拍戲時如何解決,Gladys直言:「所以我拍親都便秘,同埋有時地方好細,化妝間同廁所就喺隔離,我真係屙唔到,會聽到㗎嘛,哈哈!我諗起一單好搞笑嘅嘢,話說我去camping食好多嘢,但嗰個廁所好惡劣,又黑又濕剩係得個窿,好易差錯腳,我哋喺草地有好多牛,跟住我就喺度諗:『喺啲牛屎隔離屙應該唔係好覺嘅』,哈哈,我個friend就同我講:『牛屎咁大篤,人屎咁細,聽日天光就會見到……』我最後都冇屙到,我要事先聲明。」

聽完Gladys分享後,家怡即刻話:「我哋究竟講緊啲乜嘢,我覺得《恨駕女團》不停挑戰觀眾口味,哈哈!」不過隨後她又忍不住分享,「依家拍戲通常book好晒有流動廁所,嗰陣時去泰國拍《無雙》,嗰個廁所真係好靚,佢哋book咗一架專for拍戲嘅廁所。」

陳卓賢 MIRROR 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹