一向喜歡搞笑，零偶像包袱的呂爵安（Edan），昨天（26日）在IG分享因生飛滋而要搽飛滋膏的片段，片中Edan搽飛滋膏時，痛到反眼兼擘大口跌低，表示「痛到往生」，他更自嘲片中的自己「真係有啲樣衰」！但因家人看片後覺得很好笑，因此決定和大家分享這份喜悅。
之後，Edan又在社交網分享多張出席法國巴黎時裝周時拍下的型爆靚仔相，留言︰「驚噚日段片對大家太大衝擊，溫馨提示返：我係偶像！Thanks！」
一班爵屎看見Edan一時零偶包，一時又超chok的樣子，不禁表示：「真係同一個人黎」、「記得返Edan係偶像了」、「算啦，我哋都慣」、「唔知今次個偶包可以留到幾耐？」
相片來源：呂爵安@Instagram
