Advertisement

呂爵安新歌挑戰AI 造型 MV踩旅遊巴頂好牙煙

本地
2023.05.08
撰文:齊森
whatsapp-image-2023-05-08-at-9-12-36-pm
好有型啊!

MIRROR成員呂爵安(Edan)推出全新個人單曲《ChatMrE》。Edan表示新歌的靈感來自ChatGPT好受歡迎的AI程式,該主題更是由黃偉文(Wyman)提議。

過去Edan以情歌、慢歌為主,今次的新嘗試,他直言有份不安全感,亦擔心曲風會否令樂迷受落,他解釋道:「相信大家都冇諗過我會出首咁嘅歌,其實除咗首歌好聽之外,都想自己歌單有多啲唔同類型嘅歌,有機會開Show都可以唱一啲令到大家好High嘅歌,加上今年想做多啲唔同新嘗試,所以鼓起勇氣揀呢隻歌。呢隻歌某啲位好高音,花咗唔少時間錄音,特別去搵個Tone。平時唱慢歌,會用好多感情去唱,今次開頭似讀書,冇嗰種型型地、庸懶嘅感覺,結果要嘗試一段時間先有依家呢個Version。」

難得遇上AI主題的作品,Edan今次在MV上由形象到畫面上都充滿科幻感,除了身上的Gear例如頭盔、服飾外,臉上的銀珠等,都有超現實感覺,Edan說:「今次好滿足到我嘅諗法,就連傷妝都試埋,係搞最多花臣嘅一次,拍都幾過癮,同埋我有啲傷疤都幾有型。」向來畏高的Edan,這次在MV中要吊威吔,但他說:「唔驚!因為都唔係第一次,同埋都feel到個力會承托到,反而踩旅遊巴頂牙煙少少。」

星級企業大獎2020 MIRROR 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹