Advertisement

同屋企人去旅行|關楓馨真情流露爆喊 關禮傑踢爆女兒「鼻毛公主」花名

本地
2023.05.04
撰文:孜卓芹
兩父女互訴心中情,關楓馨真情流露爆喊,關禮傑就自揭原本唔想阿女入行。
兩父女互訴心中情,關楓馨真情流露爆喊,關禮傑就自揭原本唔想阿女入行。

無綫旅遊節目《同屋企人去旅行》首周播出的行程,是關禮傑、關楓馨(Fabienne)的惠州宅度假,今次亦是關氏父女首次單獨去旅行。今晚(4日)播出的第一集,行程相當豐富,二人分別體驗了中式High Tea、海灘越野車、遊水東街夜市、浸住溫泉睇煙花以及出海玩帆船等。

中式High Tea體驗非常特別,用炭爐煲茶之餘,更將英式下午茶常見的糕點轉為中式糕點和水果等,當兩父女打卡留念時,Fabienne卻嫌棄爸爸擺甫士老套兼拍照技術麻麻,笑指爸爸「啲角度完全係錯晒!」

Fabienne感性又性感。
Fabienne感性又性感。

去到晚上,關氏父女齊齊摸酒杯底盡訴心中情,傑哥問女兒:「你依家喺娛樂圈,你覺得關禮傑呢三個字,係咪一種負擔同壓力?」Fabienne回答時真情流露爆喊,傑哥則自揭當初不願讓女兒入行:「你問過我,可唔可以選港姐入行,當時我應承話係可以,但我內心係唔願意。」

明晚播出的第二集,Fabienne化身文青為媽媽調製獨一無二的香水,惟最終的成品連她自己也覺得難頂,更揭出Fabienne有個花名叫鼻毛公主。傑哥解釋:「以前好鍾意整蠱囡囡,又講臭腳又講鼻毛,所以得意啲幫佢改咗個名,叫鼻毛公主。」至於最刺激好玩行程,要數關氏父女去到全惠州最大高卡車場鍊車,兩人揸車技術都有一手,最快圈速分別是傑哥的56秒和Fabienne的58秒,到正式比賽時,二人更是落場無父女。

節目尾聲,兩父女坐在沙灘分享感受,傑哥坦言經過今次旅行,感覺Fabienne成長了,兩父女的默契亦增進不少,傑哥更準備了親手製作的神秘驚喜送給女兒,令Fabienne感動得淚灑當場,場面感人。

臨尾又喊多次。
臨尾又喊多次。

 

姜濤 陳卓賢 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹