Advertisement

叠影狙擊|開機前意外折斷肋骨 周秀娜穿高踭鞋與黃宗澤中環狂奔

本地
2023.12.02

whatsapp-image-2023-12-02-at-14-02-00-6
周秀娜(娜姐)為了應付新劇《叠影狙擊》內的大量動作場面,劇組在開機前,特別安排她跟武術指導上課,從而了解她的體能以及動作技巧,原本安排了一系列課程讓她有充分練習,但上到第四堂,娜姐卻意外受傷,其中一截肋骨斷裂。娜姐憶述受傷經過:「上到第四堂,開始向難度挑戰,學點樣俾人撻底嘅動作,可能我骨頭太脆弱,其中一截肋骨Z型斷開咗,無論我換衫、透氣、笑,都會痛,醫生叮囑一定要休息,但因為套劇要開始拍,所以劇組安排頭兩個月先拍晒啲文戲,動作場面留番最尾先拍,等我有多啲時間休息,好在而家已經好番晒!」

whatsapp-image-2023-12-02-at-14-02-00-10

除了肋骨斷裂,娜姐在拍攝期間皮膚敏感亦一度復發,的而且確,在大熱天,穿上厚厚的特警套裝,還要在完全沒有遮陰、像火爐般高溫的大廈天台拍攝,為了完成《叠影狙擊》每一個鏡頭,娜姐可謂犧牲不少。她說:「全套特警制服著上身,條腰帶要孭住好嘢,支槍最重,好在肋骨已經好番,如果唔係冇可能攞得起支槍,戴完個頭套再戴頭盔,但當你講對白做戲又會移位。不過講到尾,最辛苦其實係熱。」

whatsapp-image-2023-12-02-at-14-02-00-1

至於另一個挑戰,就是娜姐要著上高踭鞋,與黃宗澤在中環奔跑,導演更要求她的跑速貼近黃宗澤。娜姐說:「嗰場係一場槍戰,要跑,但我冇諗過,原來我要著一條好飄逸嘅裙、仲著冷衫、同埋高踭鞋喺條街上面跑,大家都知Bosco成日拍戲都做警察、飛虎隊,佢跑速好快,導演開機前專登走埋嚟同我講,想我跑快啲,貼近Bosco嘅速度,因為想個畫面見到我哋一齊跑。」最後,她不單只成功完成導演的要求,拍擋Bosco也忍不忍大讚她:「著住高踭鞋都跑得咁快,果然好跑得!」

whatsapp-image-2023-12-02-at-14-02-00-3

星級企業大獎2020 聲夢傳奇 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹