Advertisement

全能司儀選拔大賽|蔡國威勝出遺憾亡父未能見證 黃建東升呢台慶司儀最想搣甩騎呢形象

本地
2022.11.12

photo-resizer-2022_11_12_01_20_52

《全能司儀選拔大賽2022》昨晚(11日)播出最後一集,蔡國威、黃建東、王鎮泉、吳紫韻、梁珈詠爭奪台慶司儀席位,鄭丹瑞、森美及阮兆祥擔任評判,最後由蔡國威及黃建東以優異表現勝出比賽,成功奪得台慶夜司儀席位,當中黃建東在中場評核期間更獲得最高分,由頭到尾一枝獨秀。

photo-resizer-2022_11_12_01_21_58

威威和東東在五強對決可謂過五關斬六將,首先在主持不同類型模擬直播節目時,要面對Bob及6號的瘋狂騷擾,其中威威主持港姐競選時,面對的「突發情況」是有佳麗突然憤然離場,他見狀即衝出去把對方拉回舞台,並說:「雖然你輸咗,但我哋有《香港小姐再競選》,你得到呢個入場券喇,恭喜晒!」另外,東東主持慈善節目時,面對的「突發狀況」先後有搞錯頒贈者、善款數字有誤,以及搶咪事件等,不過轉數快的東東都能一一化解。

二人順利殺入4強,與王鎮泉及吳紫韻一起接受最終考驗,評述足球賽事及賽馬。負責評述賽馬的威威展現神級口速,除了節奏感十足,又以馬名搞Gag炒熱氣氛,獲旦哥大讚:「講嘅時候繪形繪聲,合埋眼聽好有緊張感!」負責講波的東東則以「19歲」、「小鮮肉」等字眼出奇制勝取得Do姐芳心,Do姐笑言:「聽到19歲同小鮮肉即時醒晒。」

對於終能如願成為台慶司儀,二人表現激動,哭得雙眼通紅的威威領獎時激動地表示:「呢個獎我等咗26年,攞到獎之後想話俾自己知,原來我真係得㗎!」威威事後受訪,坦言領獎時心情激動,皆因想起亡父,並感觸說:「其實我一路都覺得自己對屋企人唔住,因為我當初冇理佢哋嘅反對入咗行,一直都想俾啲成績屋企人睇,但一路都係爭啲,所以十年前爸爸走嗰陣,我好遺憾,好似喺佢走之前我都未能夠有個交代俾佢咁。所以我攞獎時好崩潰,同時有啲感觸,希望天上嘅爸爸可以見到,雖然好似太遲,但遲到好過冇到。」

photo-resizer-2022_11_12_01_20_37

威威還不忘感謝現場三位評判及主持Do姐的點讚及鼓勵:「佢哋都喺司儀界屬神枱級,能夠得到佢哋認同,其實我已經覺得自己贏咗。我真係好想多謝佢哋四位嘅鼓勵,佢哋完show後都有叫我加油。」他又補充指當時報名《全能司儀》時是一心一意:「因為想全力以赴、一擊即中。」威威選擇向主持及司儀方向發展,全因自己「怕醜底」:「想訓練自己更大膽同埋唔怕面對群眾。」他又透露小時候是背書能手:「我當年中文背默好多時都100分,哈哈。」

至於東東則興奮大叫:「今次台慶唔使企最尾嗰排喇,好耐冇試過喺TVB攞獎,對上一次係11年前嘅香港先生。今次呢個比賽贏到自信同埋被認同,希望唔使再搲撈!」東東之後受訪時補充指以往的機會,也是得來不易:「希望之後有人主動想用我,之前唔係好多人想用我,要好辛苦搲先有一個、半個機會,我好希望有自己主力去主持一個節目嘅機會。」

photo-resizer-2022_11_12_01_20_32

談到先後參加《全城一叮》及《全能司儀》,並在《全城》中大騷作曲、創作及彈琴等不同才華,東東坦言心中仍有團火:「我好希望喺TVB做番啲成績出嚟,所以我好珍惜每個機會,同埋我想轉型,想搣走騎呢Image,做番踏實嘅主持同演員,我想以作品說話。另外,我最近好努力減肥,已經減咗20磅,希望大家見到我嘅誠意。」

photo-resizer-2022_11_12_01_22_03

陳卓賢 星級企業大獎2020 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹