Advertisement

全城一叮|孖八鬼馬表演與林子超同奪冠 擺馬桶上台自嘲真屎坑橋

本地
2022.10.29

12

《全城一叮》昨晚(28日)播出最後一集,最吸睛對決莫過於招浩明以火魔術對撼孖八(李俊華)的「真‧馬桶」。雖然浩明吞火絕技,技驚四座,但創意十足的孖八(李俊華)竟想到將改裝了的「不銹鋼馬桶」擺上舞台,配以鬼馬舞蹈與戲劇搶fo。孖八跳得忘我,連鞋底也甩掉,最終炸爆全場,獲得40分高分,並將四盞評判的「大金叮」全線摘下,與林子超同分齊齊獲得總台主寶座。

13

無綫總經理(節目內容營運)曾志偉頒獎時,大讚各位參賽者表現出色,又帶來好消息,「我想代表公司多謝你哋,努力嘅付出應該要有回報,希望能夠開一套劇俾你哋所有人一齊拍!」一眾參賽者聽畢大感鼓舞,一同興奮尖叫歡呼。

15

孖八接受訪問時,大爆這次表演是「真.屎坑橋」:「呢個表演係喺廁所度出嚟,我將『開大』嘅聲、沖廁聲等,整咗首歌出嚟。同埋嗰時啱啱考到電單車牌,諗到只要屎塔調轉再加兩個泵,咁就變成電單車!」孖八赤膊上陣,露出可愛底褲仔,他不感尷尬,笑言:「最後一輪比賽想去盡啲,想話俾大家知我做得演員就係要豁出去,冇底線咩都可以做!」

孖八贏得比賽,最開心是得到大家認同:「今次係第一次以藝員身份參加比賽,好感恩可以將自己鍾意嘅嘢搬上舞台,希望可以多啲監製、導演、PA同埋觀眾認識到孖八,亦都希望未來喺演藝事業有多啲發展機會,特別係演戲方面,所以今次表演特別將演戲同跳舞融合,想大家知道孖八其實唔係淨係識跳舞!」孖八透露未來會花更多時間和心機努力鑽研演技,最後還特別感激《全城一叮》台前幕後所有人,以及家人一直以來的支持:「阿女、老婆,爸爸得咗喇!」

18

19

20

陳卓賢 聲夢傳奇 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹