Advertisement

全城一叮|化身黑絲性感Miss技驚四座  黃紫恩被蔡一傑笑指女版孫耀威

本地
2022.10.14
撰文:Rita
Jojo一除外套就變成性感女Miss。
Jojo一除外套就變成性感女Miss。

無綫才藝比拼節目《全城一叮》昨(13日)晚播出的一集,除了劉家聰戰勝重病歸來,場面催淚外,是晚表現最精采的,是黃紫恩(Jojo)及劉展霆(Eden)表演性感歌舞《春.風》,Jojo化身性感女Miss以緊身衫、黑絲、絲襪帶上陣,孖穿上校服的Eden大跳辣身舞,柔軟度十足的Jojo,全程動作俐落,起身踎低瞓地均郁動自如的她,一招「雙腳360度大迴環」技驚四座;Eden則大曬高難度Breaking及蜈蚣彈,兩人強勁Energy引爆全場尖叫聲,最終成功晉級。伍詠薇看畢大讚:「兩個都好性感,配合得好有化學作用,我特別鍾意Eden。」蔡一傑則笑指Jojo似孫耀威:「唔好以為戴個假髮就認唔到你!」

一招「雙腳360度大迴環」技驚四座。
一招「雙腳360度大迴環」技驚四座。

四、五歲便開始學跳爵士舞的Jojo,舞齡長達十數年,自然有番咁上下功架。Jojo受訪時自爆其實曾因找不到拍檔一度想過退賽,幸好後來在公司偶遇Eden,對方一口答應跟她組隊,Jojo笑謂:「嗰時都唔識佢,識咗5分鐘就決定一齊組隊!」提到舞蹈中有不少遭Eden抬高抬低的高難度動作,Jojo表示給予對方無限信任:「佢話自己好大力,仲話點樣都唔會俾我跌親,呢幾個月佢真係冇整跌過我一次,好多謝佢。」

Jojo同Eden識咗5分鐘就組隊出擊,一拍即合。
Jojo同Eden識咗5分鐘就組隊出擊,一拍即合。

Jojo為賽事與Eden苦練了足足三星期,不但晚晚練到凌晨不夠瞓,更練到一對腳滿是瘀青,觸目驚心。兩人除了是跳舞拍檔,亦是「湯水密友」,Jojo笑言:「我哋成日夜晚9點練到凌晨3、4點,所以嗰段時間個人有啲虧,媽咪就煲咗啲湯水俾我滋補,我有同Eden Share,隔日佢嫲嫲又煲番啲靚湯俾我,感覺到大家嘅屋企都好支持。」

星級企業大獎2020 陳卓賢 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹