Advertisement

傅嘉莉戴祖儀擺出戰鬥格 力撼低胸透視露腰陳楨怡

本地
2024.01.10
撰文:孜卓芹
飛躍女-陳楨怡
飛躍女-陳楨怡

入圍《萬千星輝頒獎典禮2023》同時提名「女飛躍」及「女配角」的傅嘉莉及戴祖儀,在拍攝場刊時已擺出戰鬥格,以V領晚裝上陣兼鬥晒美腿,惡鬥「女飛躍」陳楨怡的低胸透視露腰裝。

傅嘉莉精心挑選了兩款白色戰衣拍攝,其中一套喱士花款的更價值高達6位數,傅嘉莉坦言很喜歡身穿的戰衣:「我都希望今年可以攞埋最佳衣著獎,我到時會著得好閃耀。」

飛躍女-傅嘉莉
飛躍女-傅嘉莉

戴祖儀則搞笑爆料指遭父親「睇死」,「我絕對冇諗過我會陪跑,話我會陪跑嗰個係我爸爸咋,今年我覺得有信心嘅,因為《香港人在北京》個角色我自己落咗好多苦功,都好慶幸劇集出街時都獲得咗好評。」

 

飛躍女-戴祖儀
飛躍女-戴祖儀

有份入圍新增獎項「最具潛質新人」的四大潛質小花區明妙、姚焯菲、詹天文、鍾柔美先後著靚靚現身拍照,鍾柔美的超特別「鈕扣裙」,區明妙的Shocking Pink大蝴蝶裙成功搶鏡。

最具潛質新人-鍾柔美
最具潛質新人-鍾柔美

最佳主持方面,已憑《無窮之路》系列兩度勇奪該獎的陳貝兒,今年再憑《無窮》系列入圍「女主持」十強,對此貝兒坦言《無窮》系列帶給她無限美好回憶,並謂對於能否再攞獎要隨緣,「之前兩年都有攞到獎,今年再入十強非常開心。嗰兩個獎我一直放喺客廳當眼處,激勵自己繼續努力,已經好開心同好滿足。」

女主持-陳貝兒
女主持-陳貝兒

至於去年單拖為台慶頒獎禮擔任主持並贏盡掌聲的周奕瑋,為今年「男主持」頂頭大熱,更入圍「男飛躍」最後十強,對此周奕瑋謙稱很意外,「冇諗過仲可以(入圍)飛躍(10強),今年算係非常豐收嘅一年,我睇番入圍名單,原來自己過去一年做咗咁多唔同類型嘅嘢。」跟周奕瑋一樣同時入圍「男主持」及「男飛躍」十強的許文軒,笑言「入圍當贏咗」,「有本場刊永遠記錄低呢件事,仲要換咗兩套衫喎,我覺得自己已經攞咗獎。」

+22
星級企業大獎2020 MIRROR 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹