無綫劇集《你好，我的大夫》昨晚（15日）一集，講述「面癱」個案芯芯（周珈慜飾）終於一家團圓。之前芯芯為令已離家的爸爸回心轉意，積極尋求嘉應（蔡思貝飾）及清勁（何廣沛飾）治療趕及上台表演吹笛，但最終因芯爸（邵卓堯飾）當場指罵芯媽（麥皓兒飾）不歡而散；之後芯芯病情惡化，芯爸暫搬回家照顧，其實芯芯有感自己當初因不小心放走寵物鸚鵡Miku連累父母分開，才設法令爸爸回家，包括堅拒接受任何治療。昨晚劇情講到芯芯一家在嘉應幫忙下尋回Miku，芯爸又再發爛鬧爆兼怪責芯媽，嘉應終看不過眼：「只要佢病你（芯爸）先會返屋企照顧佢，所以佢咪寧願個病永遠都唔好番咯，大人嘅世界好複雜，但小朋友嘅世界好簡單直接㗎咋，每次你哋鬧交，佢都淨係識得怪自己，芯芯就係咁傻，佢覺得自己繼續病落去，你哋就會留喺佢身邊…」
對於芯爸及芯母的演出，網民普遍給予好評，繼《降魔的2.0》及《寶寶大過天》後第N度挑戰母親角色的麥皓兒（Cayley），最大突破是與真實年紀相差24歲的邵卓堯演「老夫少妻」，其中一句對白：「唔好係咪都鬧啦。」道盡大男人背後女人心聲。Cayley說：「呢個老公雖然衰，但未算大奸大惡，角色最難係要演得生活化，要淡妝、少少肥，情緒唔可以太激進、又唔可以同老公鬥鬧，因為要一切以小朋友為主，變相多咗內心戲同相對壓抑，同我現實性格都大反差。」其實Cayley劇中每次被罵，不但會倔強反擊，而且每次均會眼泛淚光，一臉委屈，相當搶戲。
淡妝上陣的Cayley，一出場已獲不少網民讚靚女；Cayley笑指現實生活中常被指少女，但亦不會因而介意演媽咪，並坦言經歷過不同的「母親宇宙」後，更感受到媽咪們的偉大：「湊一個小朋友真係要花好多精力。」Cayley私下與童星珈慜亦以「母女」相稱，並至今仍保持聯絡，Cayley記得拍攝時最搞笑是成為阿女的「雲吞專員」：「佢個妝會令佢流口水，所以我要幫佢袋住啲抹完口水嘅雲吞，嗰刻覺得自己真係好似一個媽咪。」Cayley暫未有生B計劃，除了拍劇，目前還專注於電台及教學工作，包括教小朋友唱歌及做司儀。
至於昨晚另一個感人位，是嘉應與爸爸程安生（陳嘉輝飾）的回憶片段。因為芯芯的故事，嘉應不時想起小時候母親施玉玲（黎燕珊飾）經常為錢鬧爆爸爸；同樣對爸爸離世感到自責的嘉應，與母親孖鋪時想起讀書時，爸爸在藥店門口等候自己經過的點滴，不禁眼泛淚光，感嘆道：「好懇切等一樣嘢返嚟嘅眼神真係唔同‥‥‥如果你見過嘅話，一定會記得。」感性的對白，配以嘉輝慈祥樣flashback，及父親關懷子女的對白日常，相當感人！嘉輝亦相當好戲，簡單幾個眼神及微表情，已演繹出期盼、等待、失落及失而復得等多種情緒，之前在《破毒強人》中飾演勢利上司的他已成功吸引網民注意，今次搖身一變在《大夫》中飾演超級老實人，愛錫女兒之餘更是「醫者父母心」，為了幫別人寧可自己蝕底，人設討好，難怪網民都讚口不絕。
