差唔多兩年冇喺香港開實體開演唱會嘅何韻詩，早前喺IG宣布好消息，透露下個月會喺壽臣劇院開7場演唱會，令唔少粉絲好期待。
何韻詩表示好耐之前已經入紙申請紅館檔期，但一直都唔成功，所以之後開始轉移專注搞「Membership site」。直到今年4月舉行第一個online concert後，見到歌迷同身在內地嘅粉絲留言支持，令佢明白喺台上唱歌唔單止係為自己，更係為咗喺呢個困難時候需要佢歌聲陪伴嘅人。佢醒覺自己一直被目標中嘅地點情境畫面困住，忽略咗音樂真正嘅本質，她說：「其實要唱歌，唔一定要紅館㗎」。
何韻詩
何韻詩決定全力搵場，唔理場地大細，有場就唱，反反覆覆好幾個場地因為各式各樣原因拒絕咗佢，正當佢臨近放棄嘅時候，突然出現壽臣劇院一個禮拜嘅檔期。何韻詩表示如果係以前嘅佢，會因為場地大小或者日子太短日期太近而直接跳過，但佢諗到依家嘅環境同狀況，決定盡最後努力試一試，結果就成功攞到個期，令佢感到好意外。
何韻詩
何韻詩演唱會將會喺九月頭連續搞一個禮拜，400幾人嘅場地，入座率最多85%，「做到我氣咳都只能有七場，2000張飛左右，一場紅館嘅兩成都無。因為自己開演唱會無贊助，希望每一張飛都俾大家買到，佢表示今次演出會係佢最珍惜嘅一次，揚言：「我繼續唱， 繼續唱，脫下皮草繼續唱，沒華麗舞台，谷底照開張」。
圖片來源：何韻詩＠Instagram
