《中年好聲音2》周日（18日）晚終於來到爭入10強賽事，據知本回合全線選手皆獲得80分以上，值得期待！以全白look上陣的陳俞霏獻唱《守望麥田／百年孤寂》，她坦言被歌詞感動，悟出不少人生道理，她亦被評審讚揀啱歌。
俞霏賽前接受製作組訪問時，透露育有一名3歲多的女兒，女兒現在於廣州生活，她坦言當初其實沒有想過要生小朋友：「講真我呢世人最唔想要嘅就係小朋友，因為唔想我嘅小朋友過住我以前過嘅生活。」俞霏直指兒時媽媽對她十分嚴厲：「佢希望我成績全部係滿分，99.5分對佢嚟講已經係瑕疵，令我有少少心理陰影，覺得自己一直為人哋而活。」俞霏指最終沒想到反而在女兒身上找到救贖：「佢俾咗好多快樂我，我人生一直係我媽咪話晒事，有咗囡囡先發現人生原來唔係咁。」最後她寄語女兒：「做自己，唔好理人哋，開心就得！」
黃劍文則再度挑戰女歌男唱獻唱《明知故犯／明知道》，愈唱愈強的劍文來到10強爭奪戰再有出色發揮，獲張佳添大讚是其中一隻黑馬！
