Advertisement

中年好聲音2|陳俞霏獲李佳神助攻 顏米羔顏志恒唱到爆青筋

本地
2024.01.19
撰文:孜卓芹
李佳做了陳俞飛的定海神針。
李佳做了陳俞霏的定海神針。

歌唱真人騷《中年好聲音2》本周日(21日)晚播出的一集,將分成上、下半場進行,15強「中二生」孖住「中一生」合唱爭入14強,分組方法是由中一生揀選想合唱的中二生。本回合同樣設有危險區,15組演唱完畢後,留在危險區的中二生將被淘汰!

上半場出場名單如下:《莫再悲》吳大強+鄭梓浩、《姊妹》李佳+陳俞霏、《信自己》曹敏寶+陳蒨葶、《夢醒時分》龍婷+王玥、《笑忘書》周吉佩+林若盈、《如願》支嚳儀+安雅希、《幸福之歌》顏志恒+顏米羔和《假使世界原來不像你預期》丁文俊+沈宗賢。

沉寂多時的陳俞霏本集迎來大爆發,孖住「和音之鬼」李佳合唱《姊妹》,出名Hyper的俞霏在李佳神助攻下,將招牌「俞Chill風」絕殺發揮得淋漓盡致,唱跳之餘,還大曬親自創作的Rap,表現亮眼。張佳添大讚:「佳佳發揮咗定海神針作用,有李佳喺度你知道自己做緊啲咩,成首歌睇完好開心。」周國豐則說:「俞霏真係要多謝李佳,李佳出曬名好肯同埋好有能力去幫人,呢首歌其實唔係好適合去比賽,但李佳俾咗你好多自由發揮。」

俞霏晒埋Rap功。
俞霏晒埋Rap功。

曹敏寶+陳蒨葶同樣搶眼,兩位靚女跳唱《信自己》非常落力兼盡顯青春活力,張佳添笑言:「兩位《聲夢傳奇》學員你哋係咪入錯廠?嗰種青春活力我唔相信係《中年好聲音》,十個字送俾陳蒨葶,青春、活力、動感、養眼、自信。」肥媽則說:「初初話蒨葶似鄭秀文,NO!你係你自己。」

陳蒨葶+曹敏寶玩跳唱。
陳蒨葶+曹敏寶玩跳唱。

另一個最期待畫面,是有「顏志恒2.0」之稱的顏米羔與顏志恒終極合體,兩位顏氏宗親化身Band仔獻唱《幸福之歌》,激情四射的兩人唱到青筋暴現。周國豐說:「呢首歌係能量好高嘅歌,係會唱死人,米羔嘅能量釋放加上志恒嘅配合,成件事好Man。」伍仲衡則說:「米羔把聲好啱唱band sound,你把聲好有火同埋有少少反叛,唱呢首歌就好表現到你嘅態度。同埋要讚讚顏志恒,你和音進步咗好多,我記得你之前話唔識唱和音㗎喎。」

顏米羔、顏志恒終極合體。
顏米羔、顏志恒終極合體。
MIRROR 姜濤 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹