Advertisement

中年好聲音2|李佳神助攻 劉可大回勇 陳慧嫻又一次愛上古淖文 

本地
2024.01.26
撰文:孜卓芹
李佳、劉可好合拍。
李佳、劉可好合拍。

本周日晚(28日)播出的《中年好聲音2》出場名單如下:龍婷+陳燕娜《漫步人生路》、周吉佩+古淖文《友共情》、李佳+劉可《我是一隻小小鳥》、魏嘉信+黃劍文《Shall We Talk》、顏志恒+梁浩賢《最佳損友》、林鉫徫+劉威煌《今日》和羅啟豪+譚輝智《今天等我來》。

譚輝智(右)、羅啟豪
譚輝智(右)、羅啟豪

近幾集狀態低迷的劉可是集終於回勇,孖住「和音之鬼」李佳合唱《我是一隻小小鳥》,在李佳神助攻下,劉可重拾大魔王本色,整個演出充滿激情。兩人演唱完畢後,婉婉笑問李佳:「呢個仔難唔難湊?」李佳坦言:「其實真係唔知點同佢Connect,佢有自己嘅嘢,但亦都係有聽人講嘢,同埋真係有做到,你(劉可)要信自己,努力做最好嘅自己。」

李佳鼓勵劉可要信自己。
李佳鼓勵劉可要信自己。

對於兩人演出,周國豐說:「《中年》選咗李佳出嚟,真係我哋嘅驕傲,多謝李佳將久違嘅劉可帶返番嚟!」肥媽語重心長提點劉可:「你返嚟喇,你之前走咗好遠喎,上個禮拜由中環走到去筲箕灣,做藝人係要有態度,但有時太過份嘅態度,會令人唔舒服,唔好俾好勝嘥咗自己機會。」

合唱《友共情》的古淖文、周吉佩同樣值得關注,兩位大男孩在台上一唱一和默契十足,感染全場觀眾齊齊拍手。身為「古粉」的陳慧嫻再度化身小迷妹:「今日我又一次愛上你喇古淖文,你已經搣甩咗好多江湖味!」

吉吉同古淖文充滿兄弟情。
吉吉同古淖文充滿兄弟情。

黃劍文+魏嘉信同樣合拍,由於二人都是斯文Style,唱畢後獲婉婉笑言唱出了《Shall We Talk》禮貌版本。陳慧嫻說:「要讚劍文,你係屬於好有內涵,把聲好耐聽,每一次你都有新嘢俾到我,希望你之後有更多嘅你俾我睇到!」

黃劍文、魏嘉信同樣斯斯文文
黃劍文、魏嘉信同樣斯斯文文
星級企業大獎2020 陳卓賢 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹