Advertisement

中年好聲音 追夢之旅|李佳龍婷同屬女漢子即興海邊歎火鍋 吳大強被觀眾認同感驕傲

本地
2023.05.13

whatsapp-image-2023-05-07-at-14-34-42-3

支嚳儀及曹敏寶擔任主持,於無綫節目《中年好聲音 追夢之旅》找來周吉佩、李佳、龍婷、顏志恒、吳大強、魏嘉信、何博文、鮑聖光、羅金榮、鄺凱剛、陳嘉璐、梁榮智、徐琬麟等同伴,訪問他們比賽後的轉變和收穫,與觀眾回味他們的「追夢之旅」。

《中年好聲音》第一季冠軍周吉佩,講到今次奪冠的心路歷程,他說:「經歷咗 好多起起跌跌,有無數次想法係想放棄,從來追夢都係自私行為,同太太一開始係冇共識,係我呈現到俾佢睇我內心原來真係咁堅持,所以都好多謝太太嘅支持,令我每一集都比之前更加好。」講到對於音樂路的展望,吉吉說:「完全冇諗過會企番喺台上得到大家掌聲,依家暫時計劃係好好做好嚟緊做好每一場演出。」吉吉笑言另一個收穫是與顏志恒、魏嘉信結成好兄弟,三位除了同樣熱愛唱歌,另一共同點就是大家都是喊包。

獲得第二名的李佳,坦言不會放棄歌唱老師的工作,「如果冇呢班學生,我行唔到嚟呢一步,佢哋一路嘅支持係我最大嘅動力。」經過今次比賽,李佳與龍婷成為閨密,她透露原來一開始並不知道龍婷的背景,「一開始對佢唔熟悉,大家話佢好出名,屋企人都叫我去Youtube睇佢啲片,佢一開始係好Cool嘅。」李佳更即場演繹與龍婷首次見面的情況,場面搞笑。龍婷則大讚李佳性格好,她說:「佢唔係好鍾意鬥,就算去到決賽,正常係未到嗰日都唔希望對手知咁多,但佢自己同我講會揀啲咩歌,真係覺得佢好好。」李佳自言與龍婷同是「女漢子」,她說:「有一次喺綵排,中間有啲時間就話不如去食火鍋,我哋竟然就去咗海邊食火鍋!」

獲得第三名的羅啟豪,直言自己有很大的轉變,他說:「我都唔認得依家嘅我, 一開始講嘢、揸咪唱歌係震晒,到咗依家好多人話我係180度嘅轉變,但我覺得未到完全自然。」在決賽一舞成名的他,透露之後還想嘗試跳舞,值得大家期待。

年紀最大的吳大強則說:「雖然年紀大咗,但都希望老有所為。」大強又指《中年好聲音》在自己心中是無可替代,「我一生人只有一次咋,得到好多人認同我唱歌,真係無比嘅驕傲。」

夫妻檔參加比賽的鄺凱剛和陳嘉璐傳來好消息,原來她已經懷孕33周,鄺凱 剛說:「人生好奇妙,參加咗呢次比賽之後,竟然有咗我哋嘅小生命。」陳嘉璐 則說:「真係冇預期,報咗名之後先知道,所有嘢都係真係冇安排之下安排咗咁 。」兩人希望將來可以再一同參加《中年好聲音》,非常有愛。

陳卓賢 星級企業大獎2020 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹