Advertisement

不日成婚2|岑珈其爆時刻幻想與太太親熱 陳家樂自揭夫妻愛與性滿意度9:1

本地
2023.12.02

 

whatsapp-image-2023-12-02-at-19-14-42

由衛詩雅、陳家樂主演的英皇電影《不日成婚2》日前上映,為宣傳電影,除了兩位主角,一眾有份參演的演員包括談善言、朱柏康、岑珈其、楊偲泳及劉若寶日前齊齊出動做街訪,探討港人對愛和性的比例及滿意度。除了訪問街坊,男主角陳家樂及岑珈其亦化身「路人」接受街訪,笑料百出。

whatsapp-image-2023-12-02-at-19-14-42-6

問到「與另一半最嚴重一次爭吵原因」時,家樂首先猶豫,然後靈機一觸答道:「唔好成日咁為我着想。因為佢(太太連詩雅)好忙,做完嘢返嚟都仲要煮飯俾我食,我覺得佢太辛苦啦,咁樣唔係咁好,我話我食外賣得㗎啦,佢話:『唔得呀!你唔可以食外賣呀!』」乘機冧爆老婆。隨後訪問另一位女生時,家樂立即表示他知道,珈其及朱柏康好奇原因,家樂說:「就係真係因為我!因為佢成日禮拜六、日嚟搵我,佢老公就會話佢去搵第二個男人。」原來女生是家樂粉絲,家樂表示歉意,「對唔住呀,我影響咗你哋嘅婚姻。」

至於「對上一次跟伴侶親熱係幾時」,珈其坦言無時無刻,「我而家心入面都幻想緊,因為我太愛佢啦。」家樂腼腆表示是一小時前,出門前有goodbye kiss,朱柏康笑問:「咁goodbye kiss前呢?」家樂尷尬答道:「goodbye kiss前就係morning kiss囉,就係咁囉。」接着問到「性與愛的比重及滿意度」,珈其表示「5:5」,性與愛都要有;鏡頭一轉回到家樂身上,珈其踢爆家樂是「9:1」家樂連忙解釋,「愛係9,因為我愛佢,我可以唔需要有其他嘢,有佢喺度得㗎啦。」珈其聞言立即大叫:「好呀,咁你切咗佢吖。」眾人大笑,家樂即「求放過」:「咁你都留番個1俾我吖,哈哈。我好滿意我有9咁愛佢,亦都好滿意我哋有1嘅性,得未呀?哈哈,係咪要講到咁白呀,黐線。」

星級企業大獎2020 MIRROR 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹