下流上車族｜郭柏妍失聲獲林敏驄打救　 羅毓儀喊戲一Take過全靠江美儀

林敏驄、江美儀這一家四口非常融洽。

林敏驄、江美儀主演的《下流上車族》今晚開播，郭柏妍（Rosita）與羅毓儀（Yuki）飾演二人的女兒，家姊車芊芊（Rosita飾）堅拒做樓奴，與憶樓成狂的阿媽更是前世撈亂骨頭，經常爆發爭執。劇中Rosita經常踩滑板送外賣賺錢，為了配合角色，Rosita事前更專誠上堂學踩滑板。Rosita又謂與驄哥、美儀姐及鮑姐（鮑起靜）私下相處也很像一家人：「有次我失咗聲好擔心影響進度，佢哋好好，係咁安慰我，驄哥俾咗啲潤喉膏我食，美儀姐就推介咗啲中藥，食完之後真係好番冇事。」

郭柏妍難忘失聲時獲驄哥打救。

+2

Yuki飾演的細妹車蔓蔓則備受母親溺愛，由細到大什麼也不用做，搞到生活不能自理，常常爆出令人意想不到的笑料。Yuki受訪時大讚驄哥和美儀姐照顧後輩，其中一場喊戲Yuki更靠着美儀姐的「愛心雞翼」引爆淚水。她說：「美儀姐煮嘢食好叻，有次開廠佢整咗滷水雞翼俾我哋食，為咗喊得出我就食咗4隻，因為喊戲要用好多Energy，全部人食完之後，即刻喊到一Take收貨！」

Yuki因為食了美儀姐的雞翼有氣有力，拍喊戲一Take過。