無綫台慶劇《下流上車族》昨晚（2日）播出的一集，講到志明（林敏驄飾）在超市當眾打傷追求他女兒芊芊（郭柏妍飾）的上司丁友善（袁文傑飾）後嗌「唔撈」，老婆雯慧（江美儀飾）要求志明回去向友善道歉，遭志明拒絕，並在街上爆罵戰。志明踢爆老婆：「係咪乜都講錢，乜都講樓呀？同賣女有咩分別呀？你當年嫁俾我又係為咗層樓！」惹怒雯慧出手掌摑志明，雖然志明成功避開，但兩人最終不歡而散。
原來這場罵戰一take過收貨，足見二人非常投入，美儀笑謂：「想打佢好耐喇，拍呢場戲一啲難度都冇，我對住佢火都嚟，打唔中佢仲火呀！」問到是否出盡全力打？阿驄即搶答：「佢梗係啦，事前仲買咗個雞髀食埋先打，驚唔夠力呀！」美儀即大爆笑料反擊，指阿驄拍攝期間發生搞笑事，「有個姐姐話好鍾意睇佢做戲，問佢係咪蔡生，我話邊位蔡生？個阿姐話蔡楓華吖嘛！」
